2017-06-20 01:51:56 | ژمارا خاندنا : 122 | كومێنت : 0 |

سیریێ، عمر ئورەیی سەرەدان و هاریکاریا خێزانێن شەهیدێن شەرێ داعش کر



بەرپرسێ لقێ ١٨ بیاروەریا شاندەکێ سەرەدانا هژمارەکا خێزانێن سەربلندێن شەهیدان ل کومەلگەها سیریێ کر و هاریکاریەک بو جەژنێ پێشکێشی هەر خێزانەکێ کر لروژا دووشەمبی رێکەفتی ١٩/٦/٢٠١٧.
عمر ئورەیی بەرپرسێ لقێ هەژدە یێ پارتی دیموکراتی کوردستان دگەلدا عەونی ئەرتیسی و کوردستان هورەیی کارگێرێن لقێ و تحسین بیری بەرپرسێ لیژنا ناوچا سیریێ، سەرا خێزانێن سەربلندێن شەهیدێن شەرێ دژی تیرورستێن داعش دا ل سنورێ لیژنێ و ژ نێزیک هایداری رەوشا ژیارا وان بوو و هاریکاریەکا دراڤی پێشکێشی هەر خێزانەکێ کر ژبو جەژنا رەمەزانێ.
بەرپرسێ لقێ د سەرەدانێن خودا ئاماژە ب قارەمانی و مەرداتیا شەهیدان دا و دوپاتکر کو ئەم هەمی قەرزارێن واینە و ب سایا خوینا وان ئەڤرو کوردستان ئازاد و ئارامە، و بێ گومان بەرەڤانیکرن ژ ئاخ و کەرامەتێ ئەرکێ مە هەمیایە، زێدەتر گوت چ بو خێزان و کەسوکارێن شەهیدان بهێتە کرن هەر کێمە و بەرامبەر دلوپەکا خوینا شەهیدی نینە، و حکومەتا هەرێمێ سەرەرای قەیرانا دارایی خزمەتەکا باش بو کریە و هەر چ دشیاندابیت ئەم وەکو لقێ ١٨ کێم خەمیێ ناکەین و دەرگەهێ مە هەردەم بو هەوە یێ ڤەکریە.
ژ لایێ خوڤە خێزانێن شەهیدان پر ژ دل سوپاسیا بەرپرسێ لقێ و شاندێ دگەلدا ولیژنێ کر بو سەرەدانێن وان و داخازکر ئەڤ سەرەدانە د بەردەوام بن و هەر سەرەدان و بیرهاتن و ئەڤ رێزگرتنە بو وان جهێ خوشحالی و شانازیێ یە.
عمر ئورەیی بەرپرسێ لقێ د لێدوانەکێدا سەبارەت ڤان سەرەدانان بو مالپەرێ لقێ ١٨٨ گوت : ئەڤ سەرەدانێن ئەڤرو د چارچوڤێ بەرنامەکێ تایبەتێ لقێ ١٨دا دهێن ژبو سەرەدانا هەمی خێزانێن شەهیدێن شەرێ داعش و مە سێ تیم دروستکرینە و هەر ئێک لسنورێ چەند لیژنەکا دێ ڤی بەرنامەی بجهئینیت و مەرم ژێ سەرەدان و هایداربوون سەر رەوشا ڤان خێزانان و پێشکێشکرنا هاریکاریەکێ دڤێ مەها پیروزدا و بتایبەت ئەم نێزیکی جەژنێ بوینە و ئەڤ چەندە ئەرکە لسەر ملێن و وەفاداریە بو خوینا شەهیدان.
زێدەتر ئورەیی گوت: ژبەرکو زورەبەیا شەهیدێن شەرێ داعش خودان زاروکێن بچویکن لەوما مە ئەو هەلبژارتن کو وەک ئێکەم چین سەرەدان و هاریکاریا وان بکەین و مە داخازا لێبورینێ ژێ کر ژبەرکو ئەم گیروبوینە بەلێ دەم و رەوشێ وەسان دخاست و ئەم د نەچاربوین و ئەڤرو خوشحالبوین چوینە خزمەتا وان، بەلێ رامانا وێ ئەو نینە ئەم سەرا یێن دی نادەین ، بەلکو ل دویف شیانان و بەرنامێن داهاتی مە لبەر سەرەدانا مالباتێن شەهیدێن دی ژی بکەین و دیسان سەرەدانا پەککەفتی و بریندارن و هەمی تەخ و چینان بکەین و بێ گومان ئەڤ سەرەدانە دێ دبەردەوام بن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین