2017-06-20 01:39:17 | ژمارا خاندنا : 106 | كومێنت : 0 |

سەرسنکێ، سەرەدانا خێزانێن شەهیدێن شەرێ دژی داعش هاتە کرن



 نێزیک هایداری رەوشا ژیارا وان بوون و هاریکاریەکا دراڤی پێشکێشی هەر خێزانەکێ کر ژبو جەژنێ.
 شاندئ ناڤهاتی د سەرەدانێن خودا ئاماژە ب قارەمانی و مەرداتیا شەهیدان دا و دوپاتکر کو ئەم هەمی قەرزارێن واینە و ب سایا خوینا وان ئەڤرو کوردستان ئازاد و ئارامە، و بێ گومان بەرەڤانیکرن ژ ئاخ و کەرامەتێ ئەرکێ مە هەمیایە، زێدەتر گوت چ بو خێزان و کەسوکارێن شەهیدان بهێتە کرن هەر کێمە و بەرامبەر دلوپەکا خوینا شەهیدی نینە، و حکومەتا هەرێمێ سەرەرای قەیرانا دارایی خزمەتەکا باش بو کریە و هەر چ دشیاندابیت ئەم کێم خەمیێ ناکەین و دەرگەهێ لقێ هەردەم بو هەوە یێ ڤەکریە.
 ژ لایێ خوڤە خێزانێن شەهیدان پر ژ دل سوپاسیا شاندێ لقێ ولیژنێ کر بو سەرەدانێن وان و داخازکر ئەڤ سەرەدانە د بەردەوام بن و هەر سەرەدان و بیرهاتن و ئەڤ رێزگرتنە بو وان جهێ خوشحالی و شانازیێ یە.
 شەهیدێن ئەڤرو سەرەدانا خێزانێن وان هاتیە کرن (يونس مستفى عباس، ريدير محمد تاهر، شفان تو فيق محمد، قاهر امين احمد، صبرى شينو، لقمان عبدالله حجى، ادريس عبدالله شمس الدين، )
د لێدوانەکێدا بو مالپەرێ لقێ ١٨٨ عمر ئورەیی بەرپرسێ لقێ سەبارەت ڤان سەرەدانان گوت : ئەڤ سەرەدانێن ئەڤرو د چارچوڤێ بەرنامەکێ تایبەتێ لقێ ١٨دا دهێن ژبو سەرەدانا هەمی خێزانێن شەهیدێن شەرێ داعش و مە سێ تیم دروستکرینە و هەر ئێک لسنورێ چەند لیژنەکا دێ ڤی بەرنامەی بجهئینیت و مەرم ژێ سەرەدان و هایداربوون سەر رەوشا ڤان خێزانان و پێشکێشکرنا هاریکاریەکێ دڤێ مەها پیروزدا و بتایبەت ئەم نێزیکی جەژنێ بوینە و ئەڤ چەندە ئەرکە لسەر ملێن و وەفاداریە بو خوینا شەهیدان.
 زێدەتر ئورەیی گوت: ژبەرکو زورەبەیا شەهیدێن شەرێ داعش خودان زاروکێن بچویکن لەوما مە ئەو هەلبژارتن کو وەک ئێکەم چین سەرەدان و هاریکاریا وان بکەین و مە داخازا لێبورینێ ژێ کر ژبەرکو ئەم گیروبوینە بەلێ دەم و رەوشێ وەسان دخاست و ئەم د نەچاربوین و ئەڤرو خوشحالبوین چوینە خزمەتا وان، بەلێ رامانا وێ ئەو نینە ئەم سەرا یێن دی نادەین ، بەلکو ل دویف شیانان و بەرنامێن داهاتی مە لبەر سەرەدانا مالباتێن شەهیدێن دی ژی بکەین و دیسان سەرەدانا پەککەفتی و بریندارن و هەمی تەخ و چینان بکەین و بێ گومان ئەڤ سەرەدانە دێ دبەردەوام بن.
 







كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین