2017-06-20 01:25:37 | ژمارا خاندنا : 56 | كومێنت : 0 |

کانیماسێ، شاندەکێ لقێ سەرەدان و هاریکاریا خێزانێن شەهیدان دکەت



لدویڤ بەرنامێ لقی۱٨ (پ.د.ک) بو سەرەدان و هاریکاریا مالباتێن سەربەرزێن شەهیدێن شەرێ دژی تیرورستێن داعش، ل روژا ئێک شەمبی رێکەفتی ۱٨ ـ ٦ ـ ۲۰۱۷ ێ، شاندەکێ لقێ۱٨ یێ پێکهاتی ژ (علی سپینداری) و ( عبدالواحد هێتیتی ) کارگێرێن لقێ و دگەلدا (صالح قومری) بەرپرسێ ناوچا کانی ماسێ و کاڕگێر و کادرێن لێژنێ، سەرەدانا تەڤایا خێزانێن شەهیدێن شەرێ دژی داعش کر ل سنورێ ناوچا کانی ماسێ ل دەڤەرا بەرواری و هایداری رەوشا وان بوون و هاریکاریەکا دراڤی پێکێشی هەر خێزانەکێ کر، و ئەڤ سەرەدانە بونە جهێ دلخوشیا خێزانێن سەربلند و سوپاسیا لقێ١٨ کر و دوپاتکر کو دێ بەردەوام بن ل سەر رێیا شەهیدێن خو ژبو خزمەت و پاراستنا کوردستانێ.
ژ هەژی گوتنێ یە هەر ئەڤرو عمر ئورەیی بەرپرسێ لقێ١٨٨ ل شێلادزێ سەرا هژمارەکا خێزانێن شەهیدان دا و سەبارەت ڤان سەرەدانا تایبەت بو مالپەرێ لقێ١٨ گوت: ئەڤ سەرەدانێن ئەڤرو د چارچوڤێ بەرنامەکێ تایبەتێ لقێ ١٨دا دهێن ژبو سەرەدانا هەمی خێزانێن شەهیدێن شەرێ داعش و مە سێ تیم دروستکرینە و هەر ئێک لسنورێ چەند لیژنەکا دێ ڤی بەرنامەی بجهئینیت و مەرم ژێ سەرەدان و هایداربوون سەر رەوشا ڤان خێزانان و پێشکێشکرنا هاریکاریەکێ دڤێ مەها پیروزدا و بتایبەت ئەم نێزیکی جەژنێ بوینە و ئەڤ چەندە ئەرکە لسەر ملێن و وەفاداریە بو خوینا شەهیدان.
 زێدەتر ئورەیی گوت: ژبەرکو زورەبەیا شەهیدێن شەرێ داعش خودان زاروکێن بچویکن لەوما مە ئەو هەلبژارتن کو وەک ئێکەم چین سەرەدان و هاریکاریا وان بکەین و مە داخازا لێبورینێ ژێ کر ژبەرکو ئەم گیروبوینە بەلێ دەم و رەوشێ وەسان دخاست و ئەم د نەچاربوین و ئەڤرو خوشحالبوین چوینە خزمەتا وان، بەلێ رامانا وێ ئەو نینە ئەم سەرا یێن دی نادەین ، بەلکو ل دویف شیانان و بەرنامێن داهاتی مە لبەر سەرەدانا مالباتێن شەهیدێن دی ژی بکەین و دیسان سەرەدانا پەککەفتی و بریندارن و هەمی تەخ و چینان بکەین و بێ گومان ئەڤ سەرەدانە دێ دبەردەوام بن.

رێبەر دێریشکی – کانی ماسێ.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین