2017-06-20 01:16:42 | ژمارا خاندنا : 102 | كومێنت : 0 |

شاندێ لقێ١٨ سەرا خێزانێن شەهیدان دا ل بامەرنێ



ب ئارمانجا هایداربوون سەر رەوشا خێزانێن سەربلندێن شەهیدێن شەرێ دژی تیرورستێن داعش و گەهاندنا هاریکاریەکا دراڤی ب هەلکەفتا مەها رەمەزانێ و جەژنێ ئەڤرو روژا ئێک شەمبی رێکەفتی ١٨/٦/٢٠١٧ علی سپینداری و عبدالواحد هێتوتی دگەلدا بەرپرس و کارگێرێن لیژنا ناوچا بامەرنێ سەرەدانا هژمارەکا ڤان خێزانان دا ل سنورێ لیژنا ناوچا بامەرنێ.
ژ هەژی گوتنێ یە هەر ئەڤرو عمر ئورەیی بەرپرسێ لقێ١٨٨ ل شێلادزێ سەرا هژمارەکا خێزانێن شەهیدان دا و سەبارەت ڤان سەرەدانا تایبەت بو مالپەرێ لقێ١٨ گوت: ئەڤ سەرەدانێن ئەڤرو د چارچوڤێ بەرنامەکێ تایبەتێ لقێ ١٨دا دهێن ژبو سەرەدانا هەمی خێزانێن شەهیدێن شەرێ داعش و مە سێ تیم دروستکرینە و هەر ئێک لسنورێ چەند لیژنەکا دێ ڤی بەرنامەی بجهئینیت و مەرم ژێ سەرەدان و هایداربوون سەر رەوشا ڤان خێزانان و پێشکێشکرنا هاریکاریەکێ دڤێ مەها پیروزدا و بتایبەت ئەم نێزیکی جەژنێ بوینە و ئەڤ چەندە ئەرکە لسەر ملێن و وەفاداریە بو خوینا شەهیدان.
 زێدەتر ئورەیی گوت: ژبەرکو زورەبەیا شەهیدێن شەرێ داعش خودان زاروکێن بچویکن لەوما مە ئەو هەلبژارتن کو وەک ئێکەم چین سەرەدان و هاریکاریا وان بکەین و مە داخازا لێبورینێ ژێ کر ژبەرکو ئەم گیروبوینە بەلێ دەم و رەوشێ وەسان دخاست و ئەم د نەچاربوین و ئەڤرو خوشحالبوین چوینە خزمەتا وان، بەلێ رامانا وێ ئەو نینە ئەم سەرا یێن دی نادەین ، بەلکو ل دویف شیانان و بەرنامێن داهاتی مە لبەر سەرەدانا مالباتێن شەهیدێن دی ژی بکەین و دیسان سەرەدانا پەککەفتی و بریندارن و هەمی تەخ و چینان بکەین و بێ گومان ئەڤ سەرەدانە دێ دبەردەوام بن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین