2017-06-16 07:57:39 | ژمارا خاندنا : 178 | كومێنت : 0 |

بارزانی: گشتپرسی ژ بۆ سه‌رخوه‌بوونێ یه،‌ گشتپرسی داخوازا گه‌لێ كوردستانێ یه‌ ده‌ست ژێ به‌رنادن


سه‌رۆكێ هه‌رێما كوردستانێ رێزدار (مسعود بارزانی) راگهاند، كو وی ژ سه‌رۆكوه‌زیرێ عیراقێ ره‌ گۆتیه‌، گشتپرسی مافه‌كی یاسایی یێ گه‌لێ هه‌رێما كوردستانێ یه‌، پشتی گشتپرسیێ ژی ئەو دخوازن ب ئاوایه‌كی ئاشتیانه‌ لسه‌ر ئەنجامێن وێ دانووستاندنان بكن.

سه‌رۆك بارزانی د هه‌ڤپه‌یڤینه‌كێ ده‌ ژ كۆڤارا فۆره‌گن پۆلجی یا ئامه‌ریكی ره‌ گۆت: “گشتپرسیا هه‌رێما كوردستانێ ژ بۆ سه‌رخوه‌بوونێ یه‌، دێ گه‌ل بریارا خوه‌ یا د ڤێ مژارێ ده‌ بده‌.”

سه‌رۆك بارزانی هه‌روها دیار كر، كو وی به‌ری ئاگاهی دانه‌ سه‌رۆكوه‌زیرێ عیراقێ حەیدەر ئە‌بادی و به‌هسا گشتپرسیێ كریه‌ و گۆت: “گشتپرسیا ژ بۆ سه‌رخوه‌بوونا هه‌رێما كوردستانێ تشته‌كی ئاسایی یه‌، مافه‌كی یاسایی یه‌. له‌وما مه‌ دڤێ پشتی ئەنجامدانا ڤێ پرۆسه‌یێ ب ئاوایه‌كی ئاشتیانه‌، ب رێیا دیالۆگێ لگه‌ل به‌غدایێ دانووستاندنان بكن.”

ده‌ربارێ نێرینێن جودا یێن لسه‌ر ره‌فه‌راندوومێ ده‌ سه‌رۆك بارزانی دا خویاكرن: “مژارا گشتپرسیێ ب چاره‌نڤیسا هه‌موو گه‌لێ هه‌رێما كوردستانێ ڤه‌ پێوه‌ندیدار ئە. له‌وما ژ پارتی و ناكۆكیێن سیاسی مه‌زنتت ئە. نها پرانیا گه‌لێ كوردستانێ پشتگریێ دده‌ گشتپرسیێ.”

د هه‌ڤپه‌یڤینێ ده‌ سه‌رۆكێ هه‌رێما كوردستانێ ئاماژه‌ ب وێ یه‌كێ كر، كو گشتپرسی ژ بۆ سه‌رخوه‌بوونێ یه‌ و د دانووستاندنان ده‌ ژی ده‌ست ژ ڤێ داخوازا گه‌لێ كوردستانێ به‌رنادن و گۆت: “ژ به‌ر ڤێ یه‌كێ پێویست ئە ئەنجامێن گشتپرسیێ وه‌رن جیبجیكرن.”

ل سه‌ر پرسا، “چما نها ده‌ما گشتپرسیێ یه‌؟” سه‌رۆك بارزانی ده‌ستنیشان كر: “به‌ریا نها ژی چه‌ندین جاران مه‌ خوه‌ست ئەم گشتپرسیێ بكن. لێ ره‌وش نه‌ گونجایی بوو. لێ ئەگه‌ر ئەم زێده‌تر ڤێ مژارێ پاشڤه‌ بخن، ئەڤ یه‌ك د به‌رژه‌وه‌ندیا گه‌لێ هه‌رێما كوردستانێ ده‌ نابه‌. هه‌روها دێ باندۆره‌كه‌ خراپ ل چاره‌نڤیسا گه‌ل بكه‌. له‌وما نها ده‌م ده‌ما هه‌ری باش ئە ژ بۆ گشتپرسیێ.”

ده‌ربارێ ناكۆكیێن ناڤ خوه‌ یێن هه‌رێما كوردستانێ و ده‌ما گشتپرسیێ ده‌ سه‌رۆك بارزانی ژ كۆڤارا ئامه‌ریكی ره‌ گۆت: “نابه‌ ئەم ل هێڤیێ بمینن كو هه‌موو پرسگرێك چاره‌سه‌ر ببن. ده‌ما وه‌لاتێن دن ژی ئەڤ گاڤ ئاڤێتن پرسگرێكێن وان ئێن ناڤخوه‌ هه‌بوون. ژ به‌ر هندێ ژی نابه‌ ئەم گشتپرسیێ پاشڤه‌بخن. ژ به‌ر كو مژار ژ ڤان پرسگرێكان مه‌زنتر ئە.

سه‌رۆك بارزانی ده‌ستنیشان كر، كو یه‌كه‌م جار دێ گشتپرسی وه‌ره‌ كرن و پاشی پرگرێكێن ناڤخوه‌ وه‌رن گۆتووبێژكرن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین