2017-05-26 09:31:33 | ژمارا خاندنا : 133 | كومێنت : 0 |

په‌یاما لقێ ١٨ ب هه‌لكه‌فتا سالڤه‌گه‌را ب پارێزگه‌هبوونا دهوكێ


بهەلكەفتا بیرەوەریا سالڤەگەرا ب پارێزگەهبوونا دهوكێ‌ گەرمترین پیروزباهیان ئاراستەیی پارێزگەر و جڤاتا پارێزگەهێ‌ و هەمی خەلكێ‌ پارێزگەها دهوكێ‌ دكەین.

وەك دیار لرێكەفتی (27/5/1969)ێ‌ برەنگەكێ‌ فەرمی دهوك بو پارێزگەهـ و ژ پارێزگەها میسل هاتە جوداكرن، بەلێ‌ رژێما گوربەگورا وی سەردەمی هندەك دەڤەرێن كورد نشین هێلانەڤە سەر ب ئیدارا پارێزگەها میسل و بزاڤێن خورت كرن بو تەعریب كرنا وان دەڤەران بەلێ‌ كوردستانیێن وان دەڤەرا ب بەرخودان  و خوراگری شیان ناسناما خو بپارێزن .

لدویڤ ماددا‌ (140) ژ‌ دەستورێ‌ عیراقێ‌ پێدڤی بوو ئەڤ دەڤەرە و گەلەکێن دیتر بەری دەمەکێ درێژ بهێنە ڤەگەراندن بو سەر خاكا هەرێما كوردستانێ بەلێ ژبەر خو ڤەدزینا بەردەواما حکومەتا بەغدا بجهـ نەهات تا پێشمەرگێن کوردستانێ شیاین ب قارەمانی و خوینا خو یا پیروز وان دەڤەرا ژ دەستێن داعش ئازاد کەن و ب ئێکجاری ڤەگەرینن و سنورێن کوردستانێ ب پارێزن.

ژ هەژییە بێژین كارگێریا پارێزگەهێ‌ هەر ژ سەرهەلدانا بهارا سالا (1991)ێ‌ تاكو نوكە ب هەزاران پروژێن خزمەتگوزاری پێشكێشی خەلكێ‌ پارێزگەها دهوكێ‌ كرینە و دئەنجامدا وەرچەرخانەكا مەزن دبوارێن ئابوری و پەروەردەیی و جڤاكی و رەوشەنبیری دا پەیدابویە، دیسان ئەڤرو ب سەرفەرازی پارێزگەها دهوك سەرەرای قەیرانا ئابوری بویە جهێ‌ ڤەحەواندنا ب سەدان هزار ئاوەرەیان ژ هەمی نەتەوە و ئاینان یێن ژبەر شەرێ‌ تیرورستێن داعش جهـ و مالێن خو بجهـ هیلاین.

دوو بارە ئەڤ هەلكەڤتە ل هەمی جەماوەرێ‌ دەڤەرا پارێزگەها دهوكێ‌ پیروزبیت.

 

                                             لقێ١٨(پ.د.ک)

                                                ٢٦/٥/٢٠١٧








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین