2017-05-17 07:22:34 | ژمارا خاندنا : 191 | كومێنت : 0 |

عمر ئورەیی سەرەدانا خێزانێن شەهیدان دکەت



بەرپرسێ لقێ ١٨(پ.د.ک) سەرا دوو خێزانێن سەربلندێن شەهیدان دا ل سنورێ لیژنا ناوچا سەرسنکێ و ژ نێزیک هایداری رەوشا وان بوو ل رێکەفتی ١٧/٥/٢٠١٧.

هێژا (عمر ئورەیی) بەرپرسێ لقێ هەژدە یێ پارتی دیموکراتی کوردستان دگەلدا (محمد سلیم فیصل) بەرپرسێ لیژنا ناوچا سەرسنکێ و هژمارەکا کارگێر و کادرێن لیژنێ ل کومەلگەها قەدش سەرەدانا خێزانا شەهید (ادریس عبدالله ئیسفکی) کر، ل دویڤدا ل کانی چنارکێ - سەرسنکێ سەرەدانا خێزانا شەهید (اسماعیل سعید باپیر ئەرەدنی) کر و ب گەرمی ژ لایێ مالباتێن هەردوو شەهیدان ڤە هاتن پێشوازیکرن.

د سەرەدانێن خودا ل مالێن هەردوو شەهیدان بەرپرسێ لقێ دوپاتکر کو ئەو دێ سەرەدانا هەمی خێزانێن شەهیدان کەت و داخازا لێبورینێ کر کو نەشیایە زویتر سەرەدانا وان بکەت و دوبارە سەرەخوشی ل خو و مالباتێن هەردوو شەهیدان کرن و گوت ئەو ژ مە هەمیان چوینە بەلێ ب سەرفەرازی ژ ناف مە بارکریە و د رێیا پاراستنا خاک و گەلێ خودا خو کریە قوربان.

زێدەتر (عور ئورەیی) بەرهەڤیا خو بو هەر کار و خزمەتەکا پێتڤی دیارکر و گوت دەرگەهێ مە بو هەمی خەلکێ دەڤەرێ هەردەم یێ ڤەکریە و ب تایبەتی بو خێزانێن شەهیدان و هەر چ بو بکەین هەر کێمە.

ژ لایێ خوڤە کەسوکارێن شەهیدان پر ژ دل سوپاسیا بەرپرسێ لقێ و شاندێ دگەلدا کر و خوشحالیا خو ب ڤان سەرەدانان دەربری و دوپاتکر ئەو چ جاران وێ حازر بوونا خەلکی یا هەری مەزن ل گورستانێ و تازیێ ژبیرناکەن.

ژ هەژی گوتنێ یە هەردوو شەهیدێن نەمر (ادریس عبدالله ئیسفکی)

و (اسماعیل سعید باپیر ئەرەدنی) دگەل ٣ێ پێشمەرگەیێن دی ژ ئەگەرێ بوردومانکرنا فروکێن تورکیا بو بنگەهێن (pkk)ێ ل شنگالێ ل مەها بوری  و ب شاشی بوردومانکرنا خالەکا پێشمەرگەی هاتبونە شەهیدکرن و چەند هەڤالێن وان هاتبوونە بریندارکرن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین