2017-05-09 04:51:48 | ژمارا خاندنا : 141 | كومێنت : 0 |

نامه‌یا مام جه‌لال بۆ سه‌رۆك بارزانی: هه‌تا ئەز هه‌بم ئەزێ ب مالباتا بارزانی ره‌ دۆست و هه‌ڤخه‌بات بم


پشتی نه‌خوه‌شكه‌تنا مام جه‌لال، ده‌رفه‌ته‌ك ژ هن كه‌سێن نه‌دلسۆزێن ده‌ردۆرا وی ده‌ركه‌ت كو بێ گوهدان بۆ پێگه‌هـو كه‌دا وی كه‌دكاری، ب گه‌له‌ك ئاوه‌یان لاشێ وی یێ نه‌خوه‌ش ئیستیخلال بكەن.

پرتووكا كو ڤێ داویێ ژ ئالیێ سه‌لاح ره‌شید ڤه‌ ده‌ركه‌ت، به‌رده‌وامیا بكارئانینا مام (جه‌لال)ە ژ بۆ مه‌رامێن سیاسی. ئە‌و پرتووك هات چاپكرن و به‌لاڤكرن بێ كو مام جه‌لال ل سه‌ر به‌لاڤكرنا وێ رازی ببه‌. د پرتووكێ ده‌ ده‌م و جهێ هه‌ڤپه‌یڤینا نڤیسكار ب مام جه‌لال ره‌ نه‌دیار ئە.

نه‌خوه‌شیا مام جه‌لال وه‌ك ده‌رفه‌ته‌كێ بكار هاتیه‌ ژ بۆ كو ئامه‌ده‌كارێن وێ پرتووكێ ب كەیفا خوه‌ بنڤسینن و ب كەێفا خوه‌ گۆتنێن مام جه‌لال ب گوهرن و دیرۆكێ ته‌ڤلهه‌ڤ بكەن، هه‌روها وێ پرتووكێ ژ بۆ به‌رژه‌وه‌ندیا خوه‌ یا سیاسی بكار بینن و تێكۆشه‌رێن ناڤا ی(ی.ن.ک)ێ و ل ده‌رڤه‌یی (ی.ن.ک)ێ ژی بێشینن.

ئه‌ڤ یه‌ك نه‌به‌رپرسیاره‌تیا هه‌ری مه‌زن ئە ل هه‌مبه‌ری شه‌خسێ مام جه‌لال و ل هه‌مبه‌ری كادر و ئالیگرێن (ی.ن.ک)ێ. پرسیار ل ڤێرە ئەوە كو، دڤێ ئەم ل كیژان مام جه‌لال گوهدار بكەین. مام جه‌لالێ راستی یان مام جه‌لالێ كو نه‌خوه‌شە و رێز لێ نایێ گرتن و مخابن تێ بكارئانین؟

به‌شه‌ك گرینگ ژ وێ پرتووكێ، تێ ده‌ ما مام جه‌لال به‌حسا بارزانیێ نه‌مر دكەت‌ و د ناڤا وان گۆتنان ده‌ ئاخفتنێن مام جه‌لال هاتنه‌ گوهه‌رتن و تشتێن نه‌راست و خه‌یالی كو ته‌نێ د بالا نڤیسكارێن پرتووكێ ده‌ هه‌نه‌، هاتنه‌ نڤیساندن. ئە‌م دزانین كو ئەو تشتێن نه‌راست ژ بۆ ده‌رخستنا هێرسا (پ.د.ك) و نشتمانپه‌روه‌رێن ناڤا (ی.ن.ک)ێ نه‌ و ژ بۆ ده‌رخستنا ئالۆزی و ناكۆكیانە د ڤێ ده‌ما هه‌ستیار و چاره‌نڤیساز ده‌ ب تایبه‌تی. لێ كه‌سێن ل پشت پرتووكێ ژی دزانن كو چ به‌لگه‌  نینه‌ كو پشتراست بكەن كو ئەو ئاخافتنێن (مام جه‌لال) ن. د هه‌مان ده‌مێ ده‌ ژی گه‌له‌ك كه‌س هه‌نه‌ كو به‌له‌گێن وان هه‌نه‌ ل سه‌ر نێرینا راست و دروست یا مام جه‌لال ده‌ربارێ بارزانیێ نه‌مر.

سالا 2012، ده‌ما كو مام جه‌لال ل ئالمانیا بوو، نامه‌یه‌ك ژ سه‌رۆك بارزانی ره‌ شاندیه‌ و د وێ نامه‌یێ ده‌ راستیا نێرین و هه‌لوه‌ستا وی ئەشكه‌ره‌ دبه‌.

تاله‌بانی د نامه‌یێ ده‌ هەم “وه‌ك برایه‌كی” گازی كریه‌ و هم ژی “وه‌ك برایه‌كی” لێبۆرین خواستیه‌.

تاله‌بانی، كو وێ ده‌مێ سه‌رۆکكۆمارێ عیراقێ بوو، د نامه‌یا خوه‌ ده‌ گۆتیه‌،“بریارا من یا داوی ئەوە كو هه‌تا ئەز هه‌بم دێ ب مالباتا بارزانی ره‌ دۆست و هه‌ڤخه‌بات و ئاش بم”.

ناڤه‌رۆكا نامه‌یا تاله‌بانی، كو ب هه‌لكه‌فتا سالڤه‌گه‌را دامه‌زراندنا (پ.دك.)ێ هاتیه‌ نڤیساندن، وها یه‌:

“برایێ من یێ خۆشتڤی جه‌نابێ سه‌رۆك مسعود بارزانیێ بەرێز…

سلاڤه‌كه‌ براتی و گه‌رم…

جه‌ژنا (پ.د.ك) ل وه‌ و مالباتا سه‌ربلند یا بارزان و هه‌موو ئەندام و ئالیگر و پێشمه‌رگه‌یێن (پ،د،ك)ێ پیرۆز دكەم.

ڤێ نامه‌یا من هەم وه‌ك نیڤگازنه‌كه‌ برایانه‌ و هم ژی وه‌ك لێبۆرینخواستنه‌كه‌ برایانه‌ قه‌بوول بكەن.

برایێ هێژا! بریارا من یا داوی ئەوە كو ئەز هه‌تا هه‌بم ب مالباتا بارزانی ره‌ دۆست و هه‌ڤخه‌بات و ئاش بم. ئە‌زێ نه‌هێلم ئەڤ ب چ ئاوایه‌كی خراب ببه‌. ده‌ما من هنده‌ك گۆتنێن جه‌نابێ ته‌ دبهیست من ژ هه‌ڤالان ره‌ دگۆت ئەگه‌ر كاك مسعود هه‌ڤپه‌یمانیا ستراته‌ژیك (د ناڤبه‌را پ.د.ك و ی.ن.ك.ێ ده‌) هەلوه‌شینه‌ ژی، ئەزێ داخوازا نووكرنا وێ هەڤپه‌یمانێ بكەم، ئەگه‌ر ده‌ری ل پێشیا مه‌ بگره‌ ژی ئەمێ ژ په‌نجه‌ره‌یێ ره‌ هه‌رن با وی!

مه‌سه‌له‌ ب كوردی و كورتی ئەڤە یە …  

ئه‌گه‌ر ئەم قه‌بوول بكەین كو گازنا جه‌نابێ ته‌ ل سه‌ر مژارا مالكی راست و ره‌وا یه‌، وێ چاخێ مافێ من هه‌یه‌ كو ئەز بێژم “ڤێ یه‌كێ ب براتیا مه‌ بباخشینه‌، ب یه‌ك ژ وان باشیێن كو مه‌ كرنه‌، ره‌ش بكه‌”. من ئەفوو بكه‌ و ده‌وسا وێ ل ناڤ دلێ خوه‌ نه‌هێله‌. بلا دیسا ئەم مینا به‌رێ بن.

ڤێ هه‌لبه‌ستێ ژی ژ من قه‌بوول بكه‌ كو بۆ شێخێ ته‌م هاتیه‌ نڤیساندن:

هه‌یفە چاوێ كه‌ جه‌فا كۆڵه‌وه‌ژی تێ ده‌شكان (مخابن یە ئەو چاڤێ كو ب دارا جه‌فایێ هاتیه‌ برینداركرن)

تۆ به‌ كلچێوكی وه‌فا ئەینی گه‌ڵاوێژی نه‌كه‌ی (تو ب وه‌فایا خوه‌ دیسا مینا گه‌لاوێژێ گه‌ش نه‌كی)

ئه‌ز هێڤیدارم د ناڤ دلێ ته‌ ده‌ جهێ مه‌ هه‌ر بمینه‌ و هه‌ر بژی بۆ برایێ خوه‌ یێ دلسۆز

مام جه‌لال”








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین