2017-04-25 07:51:18 | ژمارا خاندنا : 223 | كومێنت : 0 |

(پ.د.ک) : دڤێ (پ.ک.ک) ژ شنگالێ ده‌ركه‌ڤه‌, ئەڤ ئێریش ژ ئەنجاما هه‌بوونا وایە ل هه‌رێما كوردستانێ


پۆلیتبیرۆیا پارتیا ده‌مۆكرات ئا كوردستانێ  (پ.د.ک) ده‌ربارێ بۆمبه‌بارانا فرۆكه‌یێن شه‌ر یێن تركیێ ل سه‌ر ناڤچه‌یا شنگالێ ده‌ داخویانیه‌ك به‌لاڤ كر و راگهاند “ئه‌م د ده‌مه‌كێ ده‌ كو نیگه‌رانین ب لێدانا سه‌نگه‌ر و بنكه‌یێن پێشمه‌رگه‌یێن مه‌ و ب توندی نه‌رازیبوونا خوه‌ ده‌ردبرین و ته‌كه‌ز دكەینن كو ئەڤ ئێریش ب شاشی به‌ ژی, ب چ ئاوایی قه‌بوول ناكەین.”

د داخویانیا پۆلیتبیرۆیا  (پ.د.ک)ێ ده‌ هات, “یرۆ به‌رده‌ستێ سبێ فرۆكه‌یێن تركیێ بنكه‌یێن (پ.ک.ک) ێ ل چیایێ شنگالێ بۆمبه‌باران كر. مخابن د وێ بۆمبه‌بارانێ ده‌ سه‌نگه‌ره‌كی پێشمه‌رگه‌ ژی ب به‌ر وێ ئێریشێ كه‌ت و هه‌ژماره‌ك ژ پێشمه‌رگه‌یێن قه‌هره‌مان شه‌هید و بریندار بوون.”

(پ.د.ک) ب توندی نه‌رازیبوونا خوه‌ نیشان دا و گۆت, “ئه‌م د ده‌مه‌كێ ده‌ كو نیگه‌ران ن ب لێدانا سه‌نگه‌ر و بنكه‌یێن پێشمه‌رگه‌یێن مه‌ و ب توندی نه‌رازیبوونا خوه‌ ده‌ردبرینن و ته‌كه‌ز دكن كو ئەڤ ئێریش ب شاشی به‌ ژی, ب چ ئاوایی قه‌بوول ناكن. جاره‌كه‌ دن وێ راستیێ ب بیرا وه‌لاتیێن خوه‌ و هه‌موو ئالیه‌كی تینن, كو ئەڤ بوویه‌ر و هه‌ر بوویه‌ره‌كه‌ دن یا هه‌ڤشێوه‌ ژ ئەنجاما هه‌بوونا نه‌ره‌وا و خوه‌سه‌پاندنا (پ.ک.ک) ێ ل هه‌رێما كوردستانێ ده‌ یه‌. چ سووده‌ و قازانجه‌ك ژ خه‌لكێ هه‌رێما كوردستانێ ره‌ نه‌بوویه‌. ئە‌ڤ نه‌ یه‌كه‌م جار ئە ژی خه‌لك و وه‌لاتیێن مه‌ دبنه‌ قوربانیا سیاسه‌تا شاش یا (پ.ک.ک) ێ, كو مه‌یدانا خوه‌ بجه هێشتنه‌ و ب نه‌ هه‌قی شه‌ر ڤه‌گوهاستیه‌ هه‌رێما كوردستانێ.”

د داویا داخویانیا  (پ.د.ک) ێ ده‌ هاتیه‌, “ته‌ڤی ده‌ربرینا نیگه‌رانی و هه‌ڤخه‌میا خوه‌ بۆ گیانێ شه‌هیدێن قه‌هره‌مان و خواستنا هێڤیا چاكبوون و خوه‌شیا بۆ بریندارێن مه‌, جاره‌كه‌ دن ته‌كه‌ز دكن كو (پ.ک.ک) دڤێ ژ شنگالێ و ده‌ردۆرا وێ ڤه‌كشن و هه‌گه‌ر كێمترین خه‌مخواری بۆ خه‌لكێ تێ ده‌ یه‌ بلا بده‌ر كه‌ڤن, ژ بلی بۆمبه‌بارانا فرۆكه‌یێن تركیێ, ده‌ستێ ئاڤه‌دانكرنا هكوومه‌تا هه‌رێما كوردستانێ بگهینه‌.”








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین