2017-04-21 02:10:26 | ژمارا خاندنا : 111 | كومێنت : 0 |

په‌یاما سه‌رۆك بارزانی بهەلکەفتا ١١٩ سالڤه‌گه‌را رۆژنامه‌ڤانیا كوردی


ب ناڤێ خوه‌دایێ مه‌زن و دلۆڤان

ب هه‌لكه‌فتا ١١٩ سالڤه‌گه‌را ده‌رچوونا ئێه‌كه‌م رۆژنامه‌یا كوردی و رۆژا رۆژنامه‌ڤانیا كوردی و ١٩ سالڤه‌گه‌را دامه‌زراندنا سه‌ندیكایا رۆژنامه‌نڤیسێن كوردستانێ, پیرۆزباهیێ ل هه‌موو مه‌دیاكار و رۆژنامه‌ڤان و سه‌ندیكایا رۆژنامه‌نڤیسێن كوردستانێ دكەم و هێڤیا سه‌ركه‌فتنێ ژ بۆ وان دخوازم.

جهێ شانازیه‌ كو ل وه‌لاتێ مه‌ دا رۆژنامه‌ڤانی و كارێ مه‌دیایی ل سایه‌یا ئازادی و به‌رفره‌هیا سیاسی گەیشتیه‌ قۆناغه‌كا‌ باش. ئە‌ڤه‌ ژی ده‌رفه‌ته‌كه‌ ژ بۆ وێ یه‌كێ كو رۆژنامه‌ڤانی ببە سه‌ده‌مه‌كه‌ گرینگ ژ بۆ گه‌شه‌پێدانا كولتووری و هشیاریا سیاسی و جڤاكی ل ناڤ خه‌لكێ كوردستانێ دا. ل هه‌مان ده‌مێ ده‌ ژی رۆژنامه‌ڤانیا كوردی سه‌كۆیه‌كی گرینگێ گەهاندنا په‌یاما گه‌لێ كوردستانێ و مافێن وێ یێ ره‌وا بێ ژ بۆ هه‌موو جیهانێ.

جهێ خوه‌ ده‌ یه‌ كو ل ڤێ هه‌لكه‌فتێ ده‌ ده‌ستخوه‌شیێ ل مه‌دیاكار و رۆژنامه‌ڤانێن كوردستانێ بكەم كو ل قۆناغێن جودا جودایێن ژیانا گه‌لێ مه‌ زه‌حمه‌ته‌كا زێده‌ كشاندیه‌ و جهێ ده‌ستێ وان دیاره‌. ب هه‌مان ئاوایی ژی ل شه‌رێ دژی ته‌رۆریستێن داعیش و ل پیشاندانا نووچه‌یێن جه‌نگ و قه‌هره‌مانیا پێشمه‌رگه‌ رۆله‌كه‌ به‌ر ب چاڤ دیتیه‌ و قوربانی ژی دایه‌. ئە‌ڤه‌ ژی دووپات دكەم كو پشته‌ڤانێ مافێن رۆژنامه‌نڤیسانم و پێویسته‌ ره‌وشا رۆژنامه‌ڤانیا كوردی ل هه‌موو روویه‌ك ڤه‌ به‌ره‌ڤ پێشڤه‌ هه‌نگاڤان باڤێژه‌.

نها كو خه‌بات و قوربانیدانا گه‌لێ مه‌ گەهیشتیه‌ قۆناعه‌كی هه‌ستیار و یه‌ك ئالیكه‌ر ڤه‌ داخواز ژ رۆژنامه‌نڤیسێن خوه‌شتڤیێن كوردستانێ دكەم دووری هه‌ر جووره‌ ئینتیمایه‌كی سیاسی قه‌له‌م و هزر و شیانێن خوه‌ بخن گه‌ر ژ بۆ پالپشتیكرنا پرۆسه‌یا ره‌فه‌راندووم و سه‌ربخوه‌ییێ. ژ به‌ر كو سه‌ربخوه‌یی مولكێ هه‌موو كوردستانه‌ و پرۆسه‌یه‌كه‌ ژ بۆ پێشكه‌تنا گه‌لێ كوردستانێ و به‌رقه‌راربوونا ئاشتیا ل ناڤچه‌یێ.

 

                                                  مسعود بارزانی

                                                 21.04.2017 








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین