2017-03-14 07:06:15 | ژمارا خاندنا : 1537 | كومێنت : 0 |

سه‌روكێ حكومه‌تا هه‌رێمێ تونێل و پروژێ ئاڤا ئامێدیێ ڤه‌كرن



رێزدار نێچیرڤان بارزانی سه‌روكێ حكومه‌تا هه‌رێما كوردستانێ د دوو رێوره‌سمێن جودا دا ل سنورێ قه‌زا ئامێدیێ لروژا سێشه‌مبی رێكه‌فتی ١٤/٣/٢٠١٧ سالیادا ژدایكبوونا بارزانیێ نه‌مر، دوو پروژێن گرنگ ڤه‌كرن ب به‌رهه‌ه‌ڤبوونا هژماره‌كا به‌رپرسێن میری و حزبی و كه‌سایه‌تی و خه‌لكێ ده‌ڤه‌رێ.

ئه‌ڤرو سپێدێ رێزدار نێچیرڤان بارزانی سه‌روكێ حكومه‌تا هه‌رێما كوردستانێ ب یاوه‌ریا شانده‌كێ پێكهاتی ژ كه‌ریم شنگالی وه‌زیرێ نافخو و پشتیوان صادق وه‌زیرێ په‌روه‌ردێ و نه‌وروز مه‌ولود وه‌زیرا باژێرڤانی و  گه‌شت و گوزار و سه‌فین دزه‌یی ئاخفتنكه‌رێ جڤاتا وه‌زیران و دلشاد شهاب و فه‌هرهاد ئه‌تروشی پارێزگارێ دهوكێ و هژماره‌كا دی یا به‌رپرس و رێڤه‌به‌ران سه‌را قه‌زا ئامێدیێ دا و ژ لایێ عمه‌ر ئوره‌یی به‌رپرسێ لقێ ١٨(پ.د.ك) و ئسماعیل مسته‌فا قایمقامێ قه‌زا ئامێدیێ و هژماره‌كا به‌رپرسێن میری و حزبی و كه‌سایه‌تیێن ده‌ڤه‌رێ بگه‌رمی هاتن پێشوازیكرن، ل ده‌سپێكێ سه‌روكێ حكومه‌تێ تونێلا ئامێدیێ ڤه‌كر و ل دویڤدا ل دێره‌لوك – گه‌لیێ ره‌شاڤه‌ پروژێ ئاڤا ئامێدیێ ڤه‌كر.

د په‌یڤه‌كێدا ل دێره‌لوك، سه‌روكێ حكومه‌تێ باس ل گرنگیا پروژێ ئاڤا ئامێدیێ كر و پیرزوباهی ل خه‌لكێ ده‌ڤه‌رێ كرن كو بو هه‌یاما (٣٥) سالان دێ ئاڤا ڤه‌خوارنێ بو (١٧٥) هزار كه‌سان دابینكه‌ت و گوت ئارمانجا مه‌ وه‌ك حكومه‌تا هه‌رێما پێشكێشكرنا خزمه‌تێ یه‌ برێیا ڤان جوره‌ پروژه‌یان بو خه‌لكێ خو به‌لێ هنده‌ك كاودانان ئه‌م نه‌چاركرین هنده‌ك پروژه‌یان راوه‌ستینین و ده‌ست ب هنده‌كێن دی نه‌كه‌ین و ژ وان هاتنا داعش و ئه‌و شه‌رێ لسه‌ر مه‌ سه‌پاندی و برینا بودجێ ژلایێ به‌غداڤه‌ و هانتنا پترژ (١٨٠٠٠٠٠) ملیونه‌ك و هه‌شت سه‌د هزار ئاوه‌ره‌یان ژ ده‌ڤه‌رێن جودا بو كوردستانێ و نزمبوونا بهایێ نه‌فتێ ژ سه‌ر ١٠٠ دولاران دا بو بیست دولاران و ئه‌ڤه‌ هه‌می د چاڤه‌رێكری نه‌بوون به‌لێ بوونه‌ وانه‌ بوو مه‌ كو هه‌رده‌م دبه‌رهه‌ڤبین بو هه‌ر تشته‌كێ نه‌پێشبینكری، و گوت هه‌ر دڤی بیاڤیدا سوپاسیا خه‌لكێ مه‌ بگشتی و موچه‌خوران ب تایبه‌تی دكه‌ین بو تێگه‌هشتنا وان بو ره‌وشا حكومه‌تێ و هه‌ڤكاریا وان سه‌ره‌رای پاشه‌كه‌وتكرنا موچه‌یێن وان كو ب راستی نه‌خوشترین بریار بوو ژ نه‌چاری مه‌ دای وه‌ك حكومه‌تا هه‌رێمێ .

زێده‌تر سه‌روكێ حكومه‌تێ گوت سه‌رێ رێز و نه‌وازشێ دچه‌مینین بو وا‌ن عه‌زیزان ئه‌وان شه‌هیدێن خوینا خو قوربانی خاك و گه‌لێ خو كری دا ئه‌ڤرو خه‌لكێ مه‌ بسه‌رفه‌راز بژین و رێز و سوپاسیان ئاراسته‌ی هه‌می پێشمه‌رگه‌یێن گوردستانێ دكه‌ین هه‌ر ژ زاخو تا خانه‌قین.

دیسان سه‌روكێ حكومه‌تێ سوپاسیا نه‌ورز  مه‌ولود وه‌زیرا گه‌شت و گوزار و باژێرڤانی و پارێزگارێ دهوك یێ نوكه‌ و یێ به‌ر‌ێ و كومپانیێن جێبه‌جێكار و ب تایبه‌ت كومپانیا دارین گروپ بو هه‌لویستێ وان یێ نشتیمانی كو سه‌ره‌رای نه‌دانا موسته‌حه‌قاتێن وان ژ لایێ حكومه‌تێ ڤه‌ به‌لێ ژبو خزمه‌تا خه‌لكێ خو چ پروژه‌ نه‌راوه‌ستاندن و به‌ردوام كاركریه‌.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین