2017-03-13 02:32:45 | ژمارا خاندنا : 214 | كومێنت : 0 |

سه‌رۆكێ‌ حكومه‌تا هه‌رێما كوردستانێ‌ ئاڤاهیێ‌ دادگه‌ها دهۆكێ‌ ڤه‌كر



ئه‌ڤرو ئێڤاری 13/3/2017 رێزدار نێچیرڤان بارزانی سه‌روكێ‌ حكومه‌تا هه‌رێما كوردستانێ‌ دگه‌لداشانده‌كێ‌ وه‌زیرێن حكومه‌تاهه‌رێمێ‌ وبه‌رێز فه‌رهاد ئه‌مین ئه‌تروشی پارێزگه‌رێ‌ دهوكێ‌ سه‌روكێ‌ جڤاتا دادوه‌ری ل هه‌رێمێ‌ و سه‌روكێ‌ دادگه‌ها دهوكێ‌ ئاڤاهیێ‌ دادگه‌ها تێهه‌لچونا دهوكێ‌ ڤه‌كر

درێ‌ و ره‌سمێن ڤه‌كرنا دادگه‌ها تێهه‌لچونا دهوكێ‌ سه‌روكێ‌ حكومه‌تا هه‌رێما كوردستانێ‌ دیار كر كو چێكرنا ئاڤاهی گه‌له‌ك گرنگه‌ لێ‌ ژوێ‌ گرنگ تر ئه‌وه‌ كا كارێ‌ دادگه‌هێ‌ چاوا برێڤه‌ بچیت چاوا شول دهێته‌ كرن و گوت : ل هه‌ر وه‌لاته‌كێ‌ دونیایێ‌ دورست كرنا وه‌لاته‌كی و سیسته‌مه‌كی ل سه‌ر سێ‌ بنگه‌هێن سه‌ره‌كی یه‌ ئێك ژوان ده‌زگایێن ده‌وله‌تێ‌ نه‌ و یا دی سه‌روه‌ریا یاسا یه‌ و یا سیێ‌ مه‌یه‌لا دیموكراسیه‌تی و راگه‌هاندنێ‌ و ئازادیا راده‌برینێ‌ یه‌ و هه‌ر وه‌لاته‌كێ‌ سه‌روه‌ریا یاسای هه‌بیت هه‌ردو ده‌زگایێن دی دپارێزیت یانكو سیسته‌می ده‌زگایێن ده‌وله‌تێ‌ دێ‌ هێنه‌ پاراستن و هه‌م ژی ئازادیا راده‌ربرینێ‌ و دیموكراسیه‌ت دێ‌ هێنه‌ پاراستن مخابن ل وه‌لاتێ‌ مه‌دا مه‌ وه‌كو پێدڤی ده‌زگایێن ده‌وله‌تێ‌ نینن رامانێ‌ وێ‌ ئه‌و نینه‌ كوم ه‌ بزاڤ نه‌كریه‌ ده‌زگایێن ده‌وله‌تێ‌ دانین لێ‌ فه‌رهه‌نگا دانانا ده‌زگایێن ده‌وله‌تێ‌ ب ساله‌كێ‌ و دوسالا تو نه‌شێی بێژی من ده‌زگایێن ده‌وله‌تێ‌ یێن چێكرین لێ‌ ئه‌ڤه‌ پروسه‌یه‌كه‌ دڤیت ب هێنمی و به‌رده‌وام بیت هنده‌ك وه‌لاتا ب پێتر ژ 50 سالا هه‌تا شیایین ڤان ده‌زگا دانن ز كارا بكه‌ن مه‌وه‌كو ملله‌تێ‌ كورد چ جار ئه‌و ده‌لیڤه‌ نه‌بویه‌ بشیێن خو و ده‌ستهه‌لاتا خو برێڤه‌ ببه‌ین دلایه‌كێ‌ دیێ‌ په‌یڤا خودا نێچیرڤان بارزانی سه‌روكێ‌ حكومه‌تا هه‌رێما كوردستانێ‌ به‌حسێ‌ ئه‌گه‌رێن په‌یدا بونا ئاریشا دارایی ل هه‌رێما كوردستانێ‌ كر و دیار كر كو برینا بودجا هه‌رێمێ‌ ژلایێ‌ به‌غدا و شه‌رێ‌ داعش و هاتنا ڤێ‌ رێژا مه‌زن یا ئاواره‌ و په‌نابه‌را بو كوردستانێ‌ بونه‌ ئه‌گه‌ر بو په‌دا بونا ئاریشێن دارایی و سوپاسیا خه‌لكێ‌ هه‌رێما كوردستانێ‌ كر بو وێ‌ خوراگری و بهێن فره‌هیا مه‌زن ئه‌وا كێشای ل سه‌ر ڤێ‌ ئاریشا دارایی و دیار كر ملله‌ته‌كێ‌ هنده‌ بهێن فره‌ه دێ‌ شێت زال بیت ل سه‌ر هه‌می ئاریشه‌ و ئاسته‌نگا و خودان هه‌لویسته‌ و ئاماژه‌ كره‌ هه‌لویستێ‌ خه‌لكێ‌ پارێزگه‌ها دهوكێ‌ ل ده‌مێ‌ ده‌رگه‌هێن قوتابخانا و مزگه‌فتا ل به‌ر ئاوارێن شنگال و ده‌شتا نه‌ینه‌وا ڤه‌كرین و ب هه‌می شیانێن خو هاریكاریا وان كری.

دلایه‌كێ‌ دیێ‌ په‌یڤا خودا ئاماژه‌ كره‌ وێ‌ چه‌ندێ‌ كو حكومه‌تا هه‌رێمێ‌ به‌رنامه‌ هه‌یه‌ ده‌ست ب تمامكرنا پروژێن ماینه‌ نیڤه‌رو بكه‌ت و هه‌روه‌سا شایستێن دارایی یێن به‌لێنده‌را خه‌رج بكه‌ن و پێشبینیا وێ‌ چه‌ندێ‌ كر كو سالا 2017 ێ‌ وه‌زعێ‌ دارایی باشتر بیت ژ سالێن بوری.

دده‌رباره‌ی سه‌روبه‌رێ‌ شنگارێ‌ و ئالوزیێن نوكه‌ هه‌ین سه‌روكێ‌ حكومه‌تا هه‌رێما كوردستانێ‌ دیار كر كو ل ده‌مێ‌ روژئاڤا پێدڤی ب هاریكاریێ‌ بوی هه‌رێما كوردستانێ‌ ئه‌وا دشیاندا بیت بو هاریكاریا وان و رزگار كرنا كوبانێ‌ ب هنارتنا پێشمه‌رگه‌ی كر و پشتی كوبانێ‌ و گوندێن وێ‌ هاتینه‌ رزگار كرن و پێدڤیا روژ ئاڤا ب پێشمه‌رگه‌ی نه‌مایی پێشمه‌رگه‌ هاته‌ ڤه‌كیشان و ئه‌م نوكه‌ ل شنگارێ‌ هه‌مان هزر دكه‌ین كوهێزین PKK دێ‌ خو ڤه‌كێشن و چ جار ئه‌و وه‌كو هه‌رێما كوردستانێ‌ نه‌ دگه‌ل شه‌ری نه‌ و مه‌ دڤیت ب ئاشتی و بیی ئاریشه‌ ئه‌و ئالوزی بهێنه‌ چاره‌ كرن.

ل دیماهیا په‌یڤا خو سه‌روكێ‌ حكومه‌تا هه‌رێمێ‌ ده‌ست خوشی ل دادوه‌رو داواكارێن گشتی و پارێزه‌رێن سنورێ‌ پارێزگه‌ها دهوكێ‌ كر بو كارێ‌ وان دلسوزانه‌ یی كری و داخاز ژ ده‌زگایێن حكومی و حزبی كر هاریكار بن دگه‌ل دادگه‌هێ‌ بو چه‌سپاندنا یاسایی بباشترین شێوه‌ .

هه‌ژی گوتنێ‌ یه‌ كو ئاڤاهیێ‌ دادگه‌ها تێهه‌لچونا دهوكێ‌ ز 3 نهوم و بنداڤه‌كێ‌ پێك دهێت و ل سه‌ر روبه‌رێ‌ 13 هزار م2 هاتیه‌ ئاڤا كرن كوژمێ‌ 11 ملیارو 343 ملیون دینارا ژلایێ‌ حكومه‌تا هه‌رێمێ‌ ل ئاڤاهی و ملیاره‌ك و 200 ملیون بو كه‌ل و په‌لا مه‌زا ختینه‌ .

ئه‌كره‌م ئيبراهيم

ژێده‌ر / مالپه‌رێ پارێزگه‌ها دهوك








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین