2017-03-13 01:15:39 | ژمارا خاندنا : 261 | كومێنت : 0 |

گروپێ خه‌بات بو خزمه‌تا پێشمه‌رگه‌ی ل مێهڤانداریا لقێ ١٨



هژماره‌كا گه‌نجان ژ گروپێ خه‌بات بو خزمه‌تا پێشمه‌رگه‌ی كو ب رێپیڤان و هه‌لگرتنا ئالایێ كوردستانێ قه‌ستا مه‌زارێ نه‌مران دكه‌ن ل روژا دووشه‌مبی رێكه‌فتی ١٢/٣/٢٠١٧ گه‌هشتن باره‌گایێ لقێ ١٨ و ژ لایێ به‌رپرس و كارگێرێن لقێ ڤه‌ هاتن پێشوازیكرن.

عمه‌ر ئوره‌یی به‌رپرسێ لقێ ١٨ یێ پارتی دیموكراتی كوردستان و هژماره‌كا كارگێران پێشوازیكرن ل گه‌نجێن گروپێ خه‌بات بو خزمه‌تا پێشمه‌رگه‌ی كر كو ب رێپیڤان ژ سه‌نته‌رێ باژێرێ دهوك به‌ره‌ف مه‌زارێ نه‌مران ل بارزان دچن و ده‌ستخوشی لێكرن بو هه‌ستێ وان یێ نه‌ته‌‌و‌ایه‌تی كو وه‌ك رێزگرتن بو سه‌ر‌كردێ مه‌زن و ئێك ژ هێمایێن گه‌لێ مه‌ (بارزانیێ نه‌مر) و ئدریسێ جانه‌مه‌رگ ب ڤی كاری رابوین و هیڤیا گه‌هشتن ب سلامه‌تی و داخازا سه‌ركه‌فتنێ بو كر و به‌رهه‌ڤیا خو و لقێ ده‌ربری بو خزمه‌تكرنێ، و بو دانێ نیڤرو هاتن مێهڤانكرن.

دلبرین دوسكی به‌رپرسێ گروپێ خه‌بات بو خزمه‌تا پێشمه‌رگه‌ی د لێدوانه‌كێدا بو مالپه‌رێ لقێ ١٨ گوت : هژماره‌كا گه‌نجا ژ گروپێ مه‌ دوهی سپێدێ ژ باره‌گایێ لقێ ئێك یێ پار‌تی دیموكراتی كوردستان ب رێ كه‌فتن و ب رێپیڤان به‌ره‌ف مه‌زارێ نه‌مران ل بارزان و شڤێدی گه‌هشتینه‌ سه‌رسنكێ و سوپاسیا لژنا ناوچا سه‌رسنكێ یا پارتی دكه‌ین بو هاركاریا وان دگه‌ل مه‌دا و ئه‌ڤرو سپێدێ دیسان ب رێكه‌فتین و نوكه‌ ل خزمه‌تا هێژا عمه‌ر ئوره‌یی به‌رپرسێ لقێ هه‌ژده‌ینه‌ و ب ئانه‌هیا خودێ ئه‌ڤ شه‌ڤه‌ دێ گه‌هینه‌ بالندا و سوبه‌هی یان دوسبه‌ دێ گه‌هینه‌ سه‌ر مه‌زارێ نه‌مران ل بارزان ژبو نویكرنا سوز وپه‌یمانان ب هه‌لكه‌فتێن ئادارێ و ب تایبه‌تی هه‌لكه‌فتا مالئاڤاهیكرن و ژدایكبوونا بارزانیێ نه‌مر. زێده‌تر گوت گروپێ مه‌ گه‌له‌ك بزاڤ و چالاكی ئه‌نجامداینه‌ و تایبه‌ت د بوارێ خزمه‌تكرنا پێشمه‌رگه‌یدا ل به‌روكێن شه‌ری و دێ به‌رده‌وامبین لسه‌ر كارێن خو ژبه‌ركو ئه‌ڤه‌ ئه‌ركێ مه‌یه‌ و سو‌پاسیا لقا ئێك و لقا١٨ و ده‌زگه‌هێن ئێمناهی وساخله‌میێ دكه‌ین.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین