2013-07-03 04:41:52 | ژمارا خاندنا : 981 | كومێنت : 0 |

عزت عبدالعزیز


شەهید ( عزت عبدالعزیز ) ل سالا ( 1912 ) ل ئامێدیێ ژ دایك بویه‌ ، خاندنا سه‌ره‌تایی هه‌ر ل ئامێدیێ ب دوماهیك ئینایه‌ و یا دووا ناڤنجی ل ( میسل ) و کولیژا له‌شکه‌ری ( الکلیه‌ العسکریه‌ ) ل به‌غدا و ل دویفدا خولا ئه‌فسه‌رێن ئه‌رکانا ل( لندن ) پایته‌ختێ بریطانیا ئێك ژوان که‌سان بو یێن دناڤ پارتا هیوا دا و پالپشتی وان بو کو ل سالا ( 1945 ) ز گه‌هشته‌ شوره‌شا کوردی پشتی ل سالا ( 1943) هاتیه‌ دامه‌زراندن وه‌ك ئه‌فسه‌رێ گرێدانێ ( صابط ارتباط ) ل ده‌ڤه‌را بارزان ، خودێ ژێ رازی ئێك ژ ئه‌فسه‌رێن خودان شیان بو ل ناڤ له‌شکه‌رێ عیراقێ و خو ل سه‌ر هه‌ڤالێن خو ژ ئه‌فسه‌رێن عه‌ره‌ب و ترکمان فه‌رز کربو و که‌سه‌کێ ب ترس بو دناف وان دا ، و ده‌مێ هه‌ست ب وێ چه‌ندێ کری کو ئه‌ویێن ب چاڤێ نه‌ڤیان و دل ره‌شیێ به‌رێ خو د ده‌نه‌ کوردان پتر خو ماندی کر و شیا بچیته‌ پێشیا هنده‌کا ژوان ب پلێ و که‌ڤناتیێ ( الرتبه‌ و الاقدمیه‌ ) ، و ده‌مێ ل به‌غدا به‌رده‌وام قوتابیێن کورد کوم  دکرن و هاندان بو خاندنێ و بشته‌ڤانی و هاریکاریا وان دکر ل دیڤ شیانێن خو و ب تایبه‌ت هاریکاریێن پاره‌ی . ده‌مێ گه‌هشتیه‌ رێزێن شوره‌شێ ل ( بارزان ) بوارێ وی یێ ئابوری و جڤاکی و له‌شکه‌ری گه‌له‌ك یێ باش بو ، به‌لێ ژبه‌ر هه‌ستکرنا وی ب وێ زورداریا ل گه‌لێ کورد دهێته‌ کرن ب فه‌ری دیت رێ یه‌کێ بگریت  تێدا بشکداریێ د رزگاربونا ملله‌تێ خودا بکه‌ت و قوربانیێ ب بهاترین و گرنگترین تشت بده‌ت له‌وما بشکداری د شوره‌شا بارزانا سالا 1945 ی ب سه‌روکاتیا بارزانیێ نه‌مر کر ، و پشتی شکه‌ستنا شوره‌شێ ل سه‌ر ده‌ستێ رژێما عیراقێ ب هاریکاریا ئنگلیزی و ل وی ده‌مێ کومارا کوردستانێ هاتیه‌ دامه‌زراندن به‌ره‌ڤ ئیرانێ چو و گه‌هشته‌ رێزێن له‌شکه‌رێ کوردی و دگه‌لدا خزمه‌تا کومارا ساڤاکر ئه‌ڤا کو ل دویڤ هیڤی و ئومێدێن وی و هه‌می گه‌لێ کۆرد په‌یدا بوی و ب بشته‌ڤانیا ئێکه‌تیا سوڤیێتی ، به‌لێ ژبه‌ر به‌رژه‌وه‌ندیێن جودا جودا یێن ده‌وله‌تێن مه‌زن و بشتی ب دوماهیك هاتنا شه‌رێ جیهانی یێ دووێ ئێکه‌تیا سوڤیێت  ژ پێگیریێن خو لێڤه‌ بو ب هاریکاری و پشته‌ڤانیا کومارا کوردی به‌رامبه‌ر هنده‌ك سوزێن شاهێ ئیرانێ یێن د به‌رژه‌وه‌ندییا ئێکه‌تیا سوڤیێت دا و بڤی شێوه‌ی کومارا کوردستانێ ژناڤ جو و به‌شه‌کێ پێشمه‌رگه‌ و له‌شکه‌ری کوردی ب سه‌رکردایه‌تیا بارزانیێ نه‌مر به‌ره‌ڤ ئێکه‌تیا سوڤیێت چون و به‌شێ دی کو خودێ ژێ رازی ( عزت  عبدالعزیز ) دگه‌ل دا بو دگه‌ل شێخ ( احمد بارزانی ) خودێ ژێ رازی بیت ڤه‌گه‌ریانه‌ عیراقێ پشتی حکومه‌تا عیراقێ سوز دای سێداره‌ نه‌ده‌ت به‌لێ ژبه‌ر داخازێن به‌رده‌وام ژ وه‌سی ( الوصی علی العراق ) بو سێداره‌دانا چوار ئه‌فسه‌ران ( نوری ئه‌لسه‌عید ) نه‌چاربو ده‌ست ژ سه‌روکاتیا حکومه‌تا عیراقێ ڤه‌کێشیت وه‌ك نه‌رازیبون ل سه‌ر بریارا سێداره‌دانێ و حکومه‌ته‌کا نوی ب سه‌روکاتیا ( صالع جه‌بر ) هاته‌ دروست کرن و ل ( 19/6/1947 ) ێ ( عزت عبدالعزیز ) دگه‌ل هه‌رسێ هه‌ڤالێن وی ( مصطفی خوشناو ، خیرالله‌ عبدالکریم ، محمد محمود قدسی ) هاتنه‌ سێداره‌دان ، خودێ ژ هه‌میان رازی بیت .








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین