2013-07-03 04:40:33 | ژمارا خاندنا : 1052 | كومێنت : 0 |

محمد هێشه‌تی


شەهید ( محمد هێشه‌تی ) ل گوندێ نێره‌ ژ دایک بویه‌ و ژ بنه‌مال و مالباتەکا‌ سه‌رکێشا عه‌شیره‌تا نێروه‌ بوینه‌ و تایبه‌ت ( محمد هێشه‌تی ) ئێک ژ رهسپی و مه‌زنێن ملله‌تێ خو بویه‌ و که‌سه‌کێ ناڤدار و خودان بنیات و که‌سایه‌تیه‌کا مه‌زن بویه‌ له‌وما نوکه‌ژی دبێژین ( محمد هێشه‌تی ) دیاره‌ ( هێشه‌ت ) ناڤێ بنه‌مال و ئیجاخا وی بویه‌ یان  بێژین ئه‌ڤ بنه‌ماله‌ ژ گوندێ هێشه‌تا ناڤ کوردستانا باکور هاتیه .

( محمد هێشه‌تی ) شوره‌شگێر و جه‌نگاوه‌رێ به‌رنیاسێ سه‌رهه‌لدان و شوره‌شا شێخ‌ ( عبدالسلام بارزانی ) بویه‌ و ژوان که‌سێن کو سالێن 1907 ێ تاکو 1914 ێ به‌رده‌وام بویه‌ دگه‌ل رێبه‌رێ مه‌زن ( شێخ عبدالسلام بارزانی ) به‌شداری زور چالاکیێن له‌شکه‌ری و سیاسی و جڤاکی بویه‌ .

( محمد هێشه‌تی ) ئێک بویه‌ ژوان جه‌نگاوه‌رێن جهێ باوه‌را شێخی بویه‌ و بویه‌ نوینه‌رێ وی بۆ کوردستانا تورکیا دگه‌ل جه‌نگاوه‌رێ ناڤدار ( ئولی به‌گێ ) کو هاتیه‌ هنارتن بو باکورێ رۆژ هه‌لاتا کوردستانێ کو هه‌ول بده‌ن بۆ چوشدانا کوردا پشته‌ڤان و هاریکارێن شوره‌شا شێخ ( عبدالسلام بارزانی ) بن دژی ئمبراتوریا تورکان ( عثمانیا ) کو زورداریه‌کا مه‌زن ل کوردان دکر و ل سالا 1907 ێ ( شێخ عبدالسلام ) دژی ده‌وله‌تا ( عثمانی ) شه‌ر کرن و بناڤ و ده‌نگ ترین شه‌ر شه‌رێ گوندێ بێر سیاڤێ بوو کو ب سه‌دان کوشتی ب دوژمنی که‌فتین .

( محمد هێشه‌تی ) ئێک ژوان قه‌هره‌مانا بوو کو باشترین رول هه‌ین دبان چالاکیاندا .ل سالا 1914ێ ( محمد هێشه‌تی ) ژی دگه‌ل شێخی هاته‌ گرتن و برنه‌ باژێرێ میسل و ل وێرێ ئێخستنه‌ زیندانێ.

ده‌وله‌تا ( عثمانی ) زور هه‌ول دان کو ( محمد هێشه‌تی ) بهێه‌ رایێ و بێژیت ئه‌س نه‌ بارزانی مه‌ و نه‌ دگه‌ل شێخی مه‌ و ئه‌گه‌ر گوتبوو دا هێته‌ به‌ردان و نه‌دهاته‌ سێداره‌دان لێ ( محمد ) وه‌کیقاره‌مان و مێخاسێن کو چ جارا نه‌هێته‌ رایێ و کێماسی قه‌بول نه‌کر و نه‌ڤیا بژیت بۆ بن ده‌ستیێ و( محمد ) گوتئه‌س بارزانی مه‌و هه‌ڤالێ شێخێ خومه‌ و داخازکر کو وی به‌ری شێخی سێداره ‌بده‌ن دا کو مرنا شێخێ مه‌زن نه‌بینیت چونکی فیدایێ شێخ ( عبدالسلام )ێ مه‌زن بوو داخازاوی دوژمنی جێ به‌جێ کر گه‌رده‌نا وی ئێخسته‌ خلفا سێدارێ و ته‌وافا شێخێ خو کر و گه‌هشته‌ رێزا مێرخاس و ناڤدارێن کو چ جارا نه‌هێنه‌ ژبیر کرن ( محمد هێشه‌تی ) ژوان که‌سان بویه‌ ب گرنژین و که‌نی چویه‌ سه‌ر شانویا سێدارێ و گوتی هه‌ربژیت ( شێخ عبدالسلام ) و 1914 ێ و تا ئه‌ڤرو خه‌لکێ مه‌ شانازیێ بڤی ناڤێ پیروز دکه‌ن و نه‌ڤی و کورێن وی تاکو نوکه‌ ل سه‌ر ڤێ رێبازێ به‌رده‌وامن و ناکوکی ژڤێ ژیانێ نه‌کریه‌ و وان ژی ژیانا خوش ژخو حه‌رام کریه‌ .

 








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین