2017-08-15 02:52:41 | ژمارا خاندنا : 85 | كومێنت : 0 |

په‌یاما لقێ ١٨ ب هەلكەفتا سالیادا دامه‌زراندنا پارتی دیموكراتی كوردستان و روژا ژ دایك بونا سه‌روك بارزانی


لقێ ١٨ یێ پارتی ب هەلكەفتا (٧١)ەمین سالیادا دامه‌زراندنا پارتی دیموكراتی كوردستان و روژا ژ دایکبوونا جەنابێ سەروک بارزانی بروسكه‌كا پیروزباهیێ به‌لاڤدكه‌ت و ڤێ بیره‌وه‌ریێ ل سه‌ركردایه‌تی و كادر و ئه‌ندام و لایه‌نگرێن پارتی و ته‌ڤایا گه‌لێ كوردستانێ پیروزدكه‌ت و ئاماژێ ب رولێ پارتی و سه‌ركردایه‌تیا وێ دكه‌ت د خه‌بات و شوره‌ش و  ده‌ستكه‌فتێن گه‌لێ مه‌دا و ئه‌ڤا ل خارێ ده‌قێ پیروزباهیێ یه‌:-

              ب هەلكەفتا سالیادا دامەزراندنا پارتیا مە پارتی دیموكراتی كوردستان  و ژ دایك بونا سه‌روك بارزانی، ب ناڤێ لقا 18 و جەماەوەرێ‌ دەڤەرا ئامێدیی، پیروزباهیێن گەرم ئاراستەی جەنابێ سەروك (مسعود بارزانی) و سەركردایەتیا پارتی و هەمی كادر ولایەنگر و جەماوەر و خەلكێ‌ كوردستانێ‌ دكەین.

بەری(٧١) سالان و د ناڤا كاودانێن ناڤخویی و دەرڤە یێن دژوار دا، پارتیا مە پارتی دیموكراتی كوردستان وەكو پێدڤیەكا دیروكی ب رێبەری و سەروكاتیا (بارزانیێ‌ نەمر) هاتە دامەزراندن پێخەمەت سەركێشیكرنا بزاڤا ئازادیخوازا گەلێ‌ كوردستانێ‌ كو ل وی سەردەمی كوردستان پێدڤی پارتەك و هێزەكا سەردەم و رێكخستی بوو ژبۆ بەرسینگگرتنا زولم و زورداری و سیاسەتا چەوساندنا نەتەوی و جڤاكی و ئابوری و سیاسی یا كو ل كوردستانێ‌ وەكی میتود دهاتە پەێرەو كرن ژلایێ‌ داگیركەرێن وەلاتێ‌ مەڤە و ژبەر ڤێ‌ چەندێ پارتی هەر زوی كەفتە دناڤ خەباتەكا دیرو درێژدا و پێنگافا ئێكێ‌ خورتكرنا هەستا نەتەوی و نیشتیمانپەروەری و ژێیاتی بوو بۆ ئاخ و وەلاتی دناڤ رهێن جڤاكیدا چاند و ئەڤە كرە شەنگەستێ‌ بهێزێ‌ بەرخۆدان و خۆراگریا گەلێ‌ كوردستانێ‌ و پارتی شیا هەمی خەلكێ‌ كوردستانێ‌ بێ‌ جوداهیا ئولی و نەتەوەیی د چارچوڤێ‌ ئێك هزر و ئێك ئارمانج دا كوم بكەت و بەرهنگاریا هەمی پیلان و پلانێن داگیر كەر و نەحەزا بكەت.

ب شانازییەكا مەزنڤە سەرەرای ئەڤرازی و نشیڤیێن مەزن د كاروانێ‌ دیروكیا خو یا كێم وێنەدا و دڤی ژیێ‌ خو یێ‌ پری خەبات و بەرخۆدان و قەهرەمانیدا پارتی شیا هەتا ئەڤرو ژی دگەلدا بیت و بو هەمی جیهانێ‌ و خەلكێ‌ كوردستانێ‌ دیار بكەت كو چ رۆژەكێ‌ ژ قوربانیدانێ‌ سل نەبوویە و دڤێ‌ رێدا ب هزاران ژ سەركردە و كادر و ئەندامێن وێ‌ بووینە قوربانیێن دۆزا رەوایا كوردستانێ‌ و هەر دەم ژی ل رێزێن پێشیا خەباتا گەل و وەلاتێ‌ خو بوویە و دڤی ژیێ‌ خو یێ‌ پر سەرەوەریدا شیایە كومەكا مەزنا دەستكەفتان بو گەلێ‌ خۆ دەستەبەر بكەت و ژ بەر ڤێ‌ چەندێ‌ ژی پارتی بوویە خاندنگەهەكا مەزنا شورەشگێری و سیاسی و هەر دەم یا ناسیار بوویە ب هەلویستێن خو یێن نشتیمانی و سیاسی یێن نەگۆر و دەستكەفتێن ئەڤرو ژی هاتینە دەست ڤەرێژا خەباتا پارتی و سەركێشێ‌ وێ‌ یێ‌ نەمر (بارزانی)یە.

وەک دیار پارتی ئەڤرو سەرکێشیا رەوتێ دەولەتبوونێ دکەت و جەنابێ سەروکێ هەرێمێ کو ل هەمان دەم سەروکێ پارتی دیموکراتی کوردستانە د کومبونەکێدا دگەل (١٧) حزب و لایەنان بریارا ریفراندۆمێ ژبو دەولەتبوونێ دایە کو بەلێ د روژا ریفراندومێ دا وەفاداریە بو خوینا شەهیدان و بەرسڤەکا جەرگ برە بو هەمی نەحەز و دوژمان و دەولەتبوون دێ بیتە بەرهەمێ خوینا گەشا شەهیدان و خەبات و قوربانیدانا چەندین سالان ژ لایێ هەمی پێکهاتێن کوردستانێ ڤە.

پیروزە سالڤەگەرا دامەزراندنا پارتی و هزاران سلاڤا دهنێرین بو گیانێ‌ پیروزێ‌ تەڤ شەهیدێن رێكا ئازادیا كوردستانێ‌ و سەر كاروانێ‌ وان (بارزانیێ‌ نەمرو ئیدریسێ‌ هەردەم ساخ) و سلاڤێن گەرم دهنێرین بۆ پێشمەرگێن قەهرەمان دچەپەرێن بەرەڤانیێ‌ دا دژی تیرورستێن داعش، پارتی و خەلكێ‌ كوردستانێ‌ دسەربلندن ب خۆراگری و قەهرەمانیا وان یا بێ‌ وێنە.

 

                                    لقێ ١٨ یێ

                         پارتی دیموكراتی كوردستان

                            ١٥/٨/٢٠١٧            








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین