2017-08-15 08:49:41 | ژمارا خاندنا : 2448 | كومێنت : 0 |

ئامێدیێ.. بهەلکەفتا سالیادا دامەزراندنا پارتی، سمینارەک هاتە گێران



رێزدار (عمر ئورەیی) بەرپرسێ لقێ ١٨ یێ پارتی دیموکراتی کوردستان، بهەلکەفتا (٧١)ەمین سالڤەگەرا دامەزراندنا پارتی، سمینارەک پێشکێشی هژمارەکا زورا کادر و ئەندام و لایەنگرێن پارتی کر ل هولا سەنتەرێ رەوشەنبیریێ ئامێدیێ لروژا سێ شەمبی رێکەفتی ١٥/٨/٢٠١٧.

ب هەلکەفتا ١٦ی تەباخێ یادا دامەزراندنا پارتی، نڤێسینگەها رەوشەنبیری و راگەهاندنا لقێ ١٨ سمینارەک بو بەرپرسێ لقێ رێکخست و هێژا (اسماعیل مصطفى) قایمقامێ قەزا ئامێدیێ و هژمارەکا زور ژ رێڤەبەرێن دامودەزگەهێن میری و کەسایەتیێن دەڤەرێ وکادر و ئەندام و لایەنگرێن پارتی لێ ئامادەبوون و ب خولەکەک بێدەنگ راوەستان رێزگرتن بو گیانێ پاکێ شەهیدان و سەرکاروانێ وان بارزانیێ باب و ئیدریسێ هەردەم ساخ دەستپێکر.

رێزدار عمر ئورەیی بەرپرسێ لقێ د سمینارا خودا بال کشاندە سەر چەند تەوەران و ژ وان دامەزراندن و هەلویست و دەستکەفتێن پارتی و قوناغێن تێدا دەربازبووی.

و ئاماژە دا سەرکردایەتیا حەکیمانە یا پارتی چ لسەر دەمێ بابێ روحیێ نەتەوا کورد بارزانیێ نەمر یان ل سەر دەمێ جەنابێ رێزدار(مسعود بارزانی) سەروکێ پارتی و سەروکێ هەرێما کوردستانێ.  و درویشم و هەلویستێن پارتی ل هەر دەمەکی دگونجای بوینە دگەل وی سەردەمی و پارتی شیایە خو بگونجینیت، ل دەمەکێ داخوازا مافێ ئوتونومی دکر و ل دویڤدا یا فیدرالی بەلێ ئەڤرو دەولەتبوونێ دخوازیت و سەرکێشیا ڤی رەوتی دکەت.

رەوشا ئەڤرو یا کوردستانێ بتایبەتی و عیراقێ و دەڤەرێ بگشتی تەوەرەکێ دی یێ سمینارێ بوو. و ریفراندوم و ئەگەرێن داکوکیا سەرکردایەتیا کوردی ب سەروکاتیا جەناابێ سەروکێ هەرێمێ ژبو ئەنجامدنا ریفراندومێ ل دەمێ خودا و هەلومەرجێن نافخویی و دەرەکی  هاتن باسکرن و ئاماژە دا هەلویستێن لایەنێن دگەلدا و یێن دژ و دوپاتکر کو دەنگدان ب بەلێ دەنگدانە بو دەولەتبوونێ و بەرسڤەکجەرگ برە بو دوژمانان و وەفاداریە بو خوینا گەشا شەهیدان و رەنج و خەبات و قوربانیدانێن پێشمەرگەی و هەمی تەخ و پێکهاتێن گەلێ کورستانێ.

زێدەتر (عمر ئورەیی) دوپاتکر کو ریفراندوم تنێ بو سەربخویێ یە و ل دەمێ خودا دێ هێتە ئەنجامدان و پێشبینیا باش ژێ دهێتە کرن و ب دویر زانی چ مەترسیەک هەبیت ژبەرکو سەرکردایەتیا پارتی و کوردستانی هزرکرن و شروڤەکرنا هەمی پێشهات و هەلویستان کریە  و تاکە وەلاتێ دژایەتیا خو بو ریفراندومێ ئاشکرا کری ئیرانە.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین