2017-08-14 01:05:35 | ژمارا خاندنا : 331 | كومێنت : 0 |

عمر ئورەیی: مللەتێ کورد دەریایەکا خوینێ رێتیە بو هندێ دا ب ئازادی لسەر ئاخ و نیشتیمان و وەلاتێ خو بژیت



درێورەسمەکێ ژ هەژی دا ل گوندێ گەرەگوهێ پەردە لسەر وێنێ دوو شەهیدێن برا هاتە لادان ب بەرهەڤبوونا هژمارەکا بەرپرسان و مالباتا شەهیدان و خەلکێ گوندی و دەڤەرێ لروژا دوو شەمبی رێکەفتی ١٤/٨/٢٠١٧.

ب بەرهەڤبوونا رێزدار (عمر ئورەیی) بەرپرسێ لقێ ١٨ یێ پارتی دیموکراتی کوردستان و هژمارەکا بەرسێن میری و حزبی و لەشکەری و پەرلەمانتار و کەسایەتی و ریسپیێن دەڤەرێ و مالباتا هەردوو شەهیدان، ل گوندێ گەرەگوهێ رێورەسمەک ژ هەژی برێڤەچوو ژبو لادانا پەردێ لسەر وێنێ هەردوو شەهیدێن برا و قارەمان (نزرا ابراهیم  و  فتاح ابراهیم) گەرەگوهی و رێورەسمان ب خولەکەک بێدەنگ راوەستان بو گیانێ پاکێ شەهیدان دەستپێکر و ل د ویڤدا چەند ئایەتک ژ قورئانا پیروزهاتن خواندن.

هێژا عمر شورەیی بەرپرسێ لقێ پەیڤەک پێشکێشکر و تێدا باس ل قارەمانیا ڤان شەهیدان و خەباتا گوندێ گەرگوهێ کر و دیسان باس ل خەباتا درێژا گەلێ کورد کر ژبو ئازادی و سەربخویێ.

و ل خارێ دەقێ پەیڤا بەرپرسێ لقێ هاتیە بەلاڤکرن.

دیسان پەیڤا بنەمالێ و پەیڤەک ژ لایێ هێژا سەربەست بابیرێ ئەندامێ سەکردایەتیا پارتی هاتن پێشکێشکرن، ل دویڤدا چەند هەلبەست ژ لایێ هەلبەستڤان هەلگورد قەهار و کچەکا شەهیدەکی و چەند هەلبەستڤانێن دەڤەرێ هاتن پێشکێش کرن.

دیسان فلمەکێ دوکیومێنتی ل دور ژیانا هەردوو شەهیدان هاتە نیشاندان.

وئەڤا ل خارێ دەقێ پەیڤا هێژا (عمر ئورەیی) بەرپرسێ لقێ ١٨ یە :-

.......................................

بناڤێ خودێ مەزن و دلوڤان

ئامادەبوویێن هێژا .........

-.  کەسایەتی و ریسپی و خەلکێ برومەتێ دەڤەرێ.

-. خەلکێ گوندێ گەرەگوهێ یێن دلسوز و خوراگر.

-. کادرێن حزبی ، حکومی ، لەشکەری.

-. مێهڤانێن قەدرگران یێن ژ جهێن جودا جودا هاتین.

ئێڤار باش و هوین هەمی بخێرهاتن لسەر سەران و لسەر چاڤان.

بەرێزان :

        ئەڤروکە ئەم لڤێرە لگوندێ گەرەگوهێ خرڤەبووینە داکو بشانازیڤە پەردێ لسەر وێنێن دوو شەهیدێن قارەمان  ......  دوو شەهیدێن چاڤنەترس

دوو شەهیدێن برا راکەین ..............  ئەوژی شەهیدێن نەمر

-. نزرا ابراهیم  و  فتاح ابراهیم گەرەگوهی نە.

یێن کو جانێ خو کریە قوربانی پاراستنا ئاخا وەلاتی.

بەرێزان ...............

گوندێ گەرەگوهێ نەبتنێ ئەڤ شەهیدە کرینە قوربان بو دوزا گەلێ خو، بەلکو کومەکا شەهیدێن سەربلند لڤی گوندی هەنە ژبەرکو :

-. گوندێ گەرەگوهێ بدرێژیا دیروکا بزاڤا رزگاریخوازا گەلێ گورد کول نەدایە و هەردەم پشت و پەنا بوویە بو شورەشێن کوردی.

-. ژبەرکو بدرێژیا شورەشێن کوردی  پێشمەرگە بوون د رێزێن لەشکەرێ شورەشگێری کوردستان، لسەنگەرێن پێشیێ بوون.

-. ژبەرکو لدەمێ هێزێن رەشێن تاریێ ڤیای کوردستانێ داگیر بکەن و خەلکێ وێ بێ قیمەت بکەن، ئەوان رێکا خو هەلبژارت، شەهیدبوون لدەف خەلکێ ڤی گوندی سەربلندی و شەرەف و کەرامەتە ...

هێژایان ....

  شەهیدبوون بەرزترین قوناغا خوبەخشکرن و قوربانی دانێ یە

و شەهید ئەو گەشە ناڤێ پیروزە کو هەمی مروڤایەتی شانازیێ پێ دبەت دخوازن ببنە خوەدی وێ ناسناما پیروز. و چ مللەت ب ئارمانجێن خو شاد نابن ئەگەر خو بەخشکرن و قوربانی دان تێدا نەبیت.

هێژایان ......

گوتنەکا فەیلەسوف و حەکیمەکێ یونانی دبێژیت د ئاشتیێدا گەنج دەی بابێن خو ب دەستێن خو بن ئاخ د کەن و دڤەشێرن و دەمێ شەر و جەنگادا دەی باب گەنجێن خو د ڤەشێرن و دبن ئاخ دکەن.

هێژایان ........

مللەتێ مە ئێکە ژ وان مللەتان کو ب درێژیا دیروکێ قەدەرێ وەسا خواستیە کو تا نهو ژێر دەستە، لێ خوراگری و گیان سەر دەستیا خەلکێ وێ دگوپیتکا بەر خودانێ دا بویە و چ بەرو تەراش نینن ئەگەر عەزیزەکی سەرێ خو لسەر نەدانابیت، لەورا کوردستان ب وەلاتێ شەهیدان تێتە نیاسین.

 و مللەتێ کورد دەریایەکا خوینێ رێتیە بو هندێ دا ب ئازادی لسەر ئاخ و نیشتیمان و وەلاتێ خو بژیت و شیایە ئاخ و زمان و کەلتورێ خو ب پارێزیت و بمینیت مللەتەکێ زیندی ل هەمی روژهەلاتا ناڤەراست.

رێزداران .....

 هەلدانا پەردا لسەر وێنێن هەردوو شەهیدێن قارەمان نزار ابراهیم و فتاح ابراهیم تەنها و تەنها بو وێ چەندێ یە داکو بێژین ... هەوە و هەڤالێن وە یێن شەهید چ جارا ژبیر ناکەین و هوین هەردەم دئ دناڤ وژدانا مە داین، و ئەف ئازادی و سەروەریا مە یا ئەڤرو ژدەولەت سەرێ خوینا گەشا وەیە. ب خوینا وە دارا ئازادی و دەولەت دێ هێتە ئاڤاکرن.

سوزێ د دەینە وە کو لسەر رێکا وە بەردەوامبین هەتا یان دگەهینە کاروانێ وە یێ سەربلندیێ یان هەمی ئارمانج و داخوازێن گەلێ خو ل ئاڤاکرنا دەولەتا کوردی جێ بەجێ دکەین.

-. ل دوماهیکێ دێ بێژین .........

-. سلاف ل سەر گیانێ شەهیدێن برا و تەڤایا شەهیدێن بزاڤا رزگاری خوازا کوردستانێ، سەروەرێ شەهیدان بارزانیێ باب و ئیدریسێ هەردەم ساخ بن.

ئێدی بژیت کورد و بژیت کوردستان..... نەمری بو شەهیدان.

 

                       لقێ ١٨

           پارتی دیموکراتی کوردستان  

                   ١٤/٨/٢٠١٧

 








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین