2017-08-09 08:02:02 | ژمارا خاندنا : 127 | كومێنت : 0 |

سەرۆک بارزان: ریفراندۆم ژ بۆ رێگرتنێ یە ل شەرەکی دی


سەرۆکێ ھەرێما کوردستانێ رێزدار (مسعود بارزانی) راگھاند، سەرخوەبوون بۆ رێگرتن ل دوبارەبوونا شەرەکی دنە و تەکەز کر، ریفراندۆم د دەما خوە دە ب رێڤە دچە.

سەرۆکێ ھەرێما کوردستانێ رێزدار (مسعود بارزانی) د ھەڤدیتنەکێ لگەل رۆژنامەیا “حەیاتا لەندەنی” دە تەکەز کر، چ پرسگرێک لگەل ھەشدا شربی تونە نە، لێ ب چ ئاوایەکی رێ ژی پێ ناین دان کو بێنە سەر خاکا کوردستانێ.

بارزانی دەربارێ سەریھلدانا شەرەکی دن ل ناڤچێ دە راگھاند، ب ر ئاوایەکی ھەول نادن کو شەرەکی دن روو بدە، لێ بەردەوام ئامادە نە بەرەڤانیێ ل ھەرێما کوردستانێ بکن.

سەرۆک بارزانی دەربارێ چارەنڤیسا کەرکووکێ دە زەلال کر، پێشبینی ناکن کو کەرکووک ببە چاڤکانیا پرسگرێکان لگەل بەخدایێ، ھەر رێکەفتنەکە نەڤدەولەتی د ناڤبەرا ئامەریکا و رووسیایێ دە ببە، ئەو بێ ھەرێما کوردستانێ نابە.

حەیاتا لەندەنی: پشتی یەکلایی بوونا شەرێ مووسلێ یا ل دژی داعشێ، ھوون چ ژ عیراقێ دخوازن؟

بارزانی: پێویستە دانووستاندن تەنێ لگەل ئەنجامێن شەر نەکن، بەلکوو پێویستە ئەو سەدەمێن کو ھێشتنا داعشێ دەرکەڤن و فەرەھ ببە بێنە چارەسەرکرن. پێویستە رێ و پلانا ئیداری، سیاسی، ئەولەھیێ ویێ دن ھەبە، بۆ ئەو باوەری ژ پێکاھاتەیێن مووسلێ رە ڤەگەر و بکاربن جارەکە دن دەست ب ژیانەکە ئاسایی بکن. د عیراقێ پشتی داعشێ دە، پێویستە نشتەجھێن وان ناڤچەیان ئەرکێ پاراستنێ د وارێ ئەولەھی و سیاسی دە د ستوویێ وان بە و دووری ململانەیێن تایفی.

حەیاتا لەندەنی: پێشبینیا چ تشتەکی نشکاڤی دکن د دەما دەرکرنا داعشێ ژ قەزایا تەلەعفەرێ، قام و ھوێجا؟

بارزانی: ھێڤیدارن داش ل ناڤچەیێن تەلەعفەر، قایم و ھوێجە ب کێمترین زیان ژ رێزا وەلاتیێن سڤیل بێ ژناڤبرن. د وارێ کریاری دە، کارینا داشێیا بەرگیریێ نەمایە.

حەیاتا لەندەنی: د کۆنترۆلکرنا تەلەعفەرێ دە، چەند مەھن ترس ژ بەشداریا ھەشدا شەبی ھەیە، ب تایبەت مەترسی ژ ئەنجاما بنپێکرنێن ل ھەمبەر سونە و ترکمەنان، ما ئەو مەترسی ھینا مانە؟

بارزانی: د دەستپێکێ دە د باوەریێ دە نە کو پێویستە ئارتێشا عیراقێ ئەرکێ کۆنترۆلکرنا تەلەعفەرێ ب ھەڤاھەنگیا لگەل ھەڤپەیمانیا ناڤدەولەتی بکە. ئەوێ ل تەلەعفەرێ مانە، ترکمەنێن سونە و بەشەکێ ژ وان ھەڤکاریا داعشێ کرنە، مەترسی ھەیە د وێ پرۆسەیێ دە تۆل ژ بێن ڤەدان، رەنگە بگھە زارۆک و ژنان ژی، ئەو ژی دبە سەدەما ئالۆزیا زێدەترا پرسگرێکان.

حەیاتا لەندەنی: ھێزێن سیاسییێن عیراقێ گلیێ ل سەرکردەیێن کوردێن ھەرێما کوردستانێ دکن، کو د دەمەک خراب دە راگھاندن و پێدەگرن ریفراندۆمێ بکن بۆ بیارێ ل سەر مافێ جارەنڤیسی بدن. ھن بەرپرس زێدەبوونا ھلوەشاندنا یەکپەرچەیییا عیراقێ دخن ستوویێ وە. ما ھوون دبینن کو بریارا ئەنجامدان ریفراندۆمێ د ٢٥ێ ئیلۆنا بێ دە، شەرەکی دن دەرکەڤە، کو ھینا ئەو وەلات ژ بەر شەر نکاریە ھەناسەیا خوە ببە.

بارزانی: بریارا برێڤەبرنا ریفراندۆمێ و گاڤێن بەرڤە سەرخوەبوونێ، پرۆسەیەکە ئاشتییە و دووری توندووتووژیێیە. ئارمانجا سەرەکە ژێ رێگرتنە ژ روودانا کارەسات و شەرەکی نوویە. ئەم نە داخوازکارێن شەرن. بەلکوو بەردەوام مە داخوازا برایەتی و دۆستانیێ کریە. دەربارێ دەما برێڤەبرنا ریفراندۆمێ ژی، سەرکردایەتیا سیاسییا کوردستانێ بریار دا کو د وێ دەمێ ریفراندۆم ببە و پاشڤەکشاندن ژێ تونەیە. ریفراندۆم مافەکی رەوایێ گەلێ مەیە و ھەر دبە ئەو مافێ د نێزیکترین دەرفەت دە بێ وەرگرتن. بۆ ڤینا گەلێ کوردستانێ نیشانی جھانێ بدن.

ھەگەر ھن کەس د وێ باوەریێ دە نە کو دەم نە گونجاوە، ژێ دپرسن کەنگی ئەو دەم گونجاو دبە بۆ برێڤەبرنا ریفراندۆمێ؟ ھەگەر چاڤەرێیی رازەمەندیا وان ببن، ئەو ھەتا ھەتایێ چ دەمەکێ بۆوێ پرسێ دیار ناکن. تەنێ گەلێ کوردستانێ مافێ وی ھەیە کو دەمێ دیار بکە.

ھەڤبەشیەکە ئازاد و ب داخوازا مە لگەل عیراقێ ھلبژارد، لێ ژ بەر بنپێکرنا دەستوورێ، سەرکەفتی نەبوو، ژ بەر وێ ژ مافێ گەلێ کوردستانێ ریەکە دن ھلبژێرە.

حەیاتا لەندەنی: تەنێ ھێزێن ھەرێمی وەک ترکیە و ئیرانێ نەرازیبوونا خوە بۆ برێڤەبرنا ریفراندۆمێ نیشان دایە. ژ بەر کو دەڤەرەکە سەربخوەیا کورد ل کوردستانا عیراقێ، کوردان ل ھەر دو وەلاتێن دێن ھاندەد ئدە ھەمان رێیێ بگرن بەر؟

بارزانی: ئەم داخوازا برێڤەبرنا ریفراندۆمێ ل ھەرێما کوردستانێ دکن. مە بەھسا وان سەدەمان ژی کر کو ھەرێما کوردستانێ ژ بەر چ دخوازە وێ پرۆسەیێ بگرە بەر. ئەم ناخوازن ئەزموونەکە سەدسالییا شکەستی ئانیە و گەلەک کارەسات لگەل دەولەتا عیراقێ دوبارە بکن. پێویستە وەلاتێن ھەرێمی ژ وێ تێبگھن. د وێ باوەیێ دە مە ژ وان رە رۆن بوویە کو ئەمس ئەدەما ئارامیێ نە ل ناڤچێ.

کورد ک وەلاتێن جیران ژی ھەنە، نابە ھەتا ھەتایی ئینکارا ھەبوونا وان بێ کرن. ھەر دبە دۆزێن وان ب ریێن ئاشتی بێنە چارەسەرکرن، بۆ ئارامی و گەشەپێدانا ئاشتیێ ڤەگەر ناڤچێ.

حەیاتا لەندەنی: چاوا وێ دنرخینن، کو وە داخوازا ڤەکرنا لقەکە پارتیا خوە ل ترکیە کریە، د دەمەکێ دە سەرۆکۆمارێ ترکیێ رەجەپ تەیپ ئەردۆگان ھەولێن بۆ برێڤەبرنا ریفراندۆمێ رەد دکە. 

بارزانی: برێڤەبرنا ریفراندۆمێ نە واتەیێ وێ راگھاندنا شەر ل دژی وەلاتەکی جیرانە و دژمناتیە. باوەریا مەیا تەمام ب دورستکرنا پێوەندیێن دۆستایەتیێ لگەل وان ھەیە، ب تایبەت ژی لگەل ترکیێ.

مە داخوازا ڤەکرنا لقەکە پارتیا خوە ل ترکیێ نەکریە. ئەو زانیاری شاشە، ھەگەر مەبەستا وە ڤەکرنا نڤیسگەھەکە پارتی بە، ئەو کارەکی ئاسایییە.

حەیاتا لەندەنی: پارتیا کارکەرێن کوردستانێ ب ھەولدانا داگیرکرنا شنگالێ توھمەتبار دکن، ئەو ژی وێ یەکێ رەد دکن. پێشبینیا وێ دکن کو پشتی داعشێ ھوون رووبروویی ھەڤ ببن؟

بارزان: ھەبوونا چەکدارێن پککێ ل شنگالێ نە یاسایییە، رێ نادن چ ھێزەکێ ژ بلی ھێزێن فەرمییێن ھەرێما کوردستانێ ھەبوونا وان ل وێ ناڤچێ ھەبە. د وێ ھەولێ دە بەردەوامن کو رێگریێ ل رووبروو بوونەکا لەشکەری بکەن. د داویێ دە ژی دڤێ خەلکێ شنگالێ ب خوە بریارێ ل چارەنڤیسا خوە بدن.

حەیاتا لەندەنی: ترسا وە ژ پەڤچوونێن لەشکەری لگەل ھەشدا شەبی ل تەلەعفەرێ و رووبروو بوونا لگەل حکومەتا حیدر عبادی تونەیە، کو ھەولێن برێڤەبرنا جودابوونا کوردستانێ ژ عیراقێ رەد دکە؟

بارزانی: تەلەعفەر ناڤچەیەکە دکەڤە دەرڤەیی ھەرێما کوردستانێ. د وێ باوەریێ دە نە پێویستە ئارتێشا عیراقێ وێ ناڤچێ کۆنترۆل بکە، چ پرسگرێکا مە لگەل ھەشدا شەبی تونەیە، لێ رێ نادن وێ ھێزێ کو بێ ناڤا خاکا کوردستانێ. د شەرێ داعشێ دە و ب تایبەت ژی د ئۆپەراسیۆنا کۆنترۆلکرنا مووسلێ دە، ھەڤاھەنگیەکە مەیا باش لگەل حیدر عبادی باش ھەبوو. چ جاری داخوازا شەر ناکن و دەستپێشخەریێ نابن بۆ وی کاری. لێ ب دلنیایی مافێ مە ھەیە پاراستنا خوە بکن، ھەگەر تشتەک ژ ڤێ جورێ ب سەر مە دە ھات.

حەیاتا لەندەنی: ما کەرکووک دبە دەستپێکا رووبروو بوونا لگەک حکومەتا عەبادی؟ ما پەڤچوونێن لەشکەری لگەل ئارتێشا عیراقێ تێ پێشبینیکرن؟

بارزان: ھێڤیا رووبرووبوونێ ل چ جھەکی ناخوازن. ئارمانجا مە ئەوە کەرکووکێ بکن نموونەیەکە پێکڤەژیانا نەتەوی، ئۆلی و مەزھەبی.

حەیاتا لەندەنی: ما کورد ب جبجیکرنا خەونا سەرخوەبوونێ بەردەوام دبە، تەڤی کو ھوون ب گولەیا کوشتنێ یەکپەرچەیییا عیراقێ بێن توھمەتبارکرن؟

بارزانی: دەولەتا عیراقێ د براتیکێ دە دابەش بوویە، ھەموو بنەمایێن ھەڤبەش و دەستووری ھاتنە بنپێکرن. شەرێ تایفی ھەیە و سەروەریا دەولەتێ نەمایە. ب دلنیایی ھەرێما کوردستانێ نە بەرپرسە کو ئراق تێک بچە، بەرووڤاژی وێ د وێ باوەریێ دە نە کو سەرخوەبوونا ھەرێما کوردستانێ سەدەمەکە بۆ چارەسەرکرنا پرسگرێکان. مە یەکپەرچەیا عیراقێ ئارمانج نەگرت، لێ پابەند نەبوونا ب دەستوورێ و سیاسەتێن شاشێن حکومەتا عیراقێ یەکپەرچەیییا عیراقێ ئارامنج گرت.

حەیاتا لەندەنی: ھوون ناترسن کو جارەکە دن کورد باجەکە مەزن بدە، دەما واشنگتۆن و کرملن لھەڤ بکن، کو نھا نێزیکبوونەک ژ ھەڤتێگھێشتنەکێ ل سەر دابەشکرنا ھەژموونا خوە ل سووریێ ھەیە؟

بارزانی: گەلێ کوردستانێ د دەما سەد سالا بۆری دە بۆ پاراستنا خوە قوربانیێن مەزن دانە. ھەرێما کوردستانێ نھا بھێزترە، تەرۆر شکاند ب قوربانیا خوە بەرگیری ل جڤاکا ناڤدەولەتی کر. نە د وێ باوەریێ دە نە کو رێکەفتنەک ھەبە و ئەم ل دەرڤەیی وێ بن. ب دلنیا ژی رێزگرتنەکە تایبەت ژ قەھرەمانیا گەلێ کوردستانێ و قوربانیدانا وێ ھەیە.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین