2017-08-09 07:59:44 | ژمارا خاندنا : 169 | كومێنت : 0 |

سەرۆک (مسعود بارزانی): ریفراندۆم نە تنێ ژ بۆ گەلێ کوردە، بۆ تەڤاھیا پێکھاتەیێن نەتەوییێن کوردستانێ یە



رێزدار (مسعود بارزانی) سەرۆکێ هەرێما کوردستانێ د جڤینێ دە کو ل ھەولێرێ ب رێڤە چوو، راگھاند، عیراقێ شکەستی ئانی کو بکارە کوردستانێ وەک ھەڤبەشەکە راستی قەبوول بکە و زێدەتر ژ ٤٥٠٠ گوند وێران کر، ژ بلی پرۆسەیا ئەرەبکرنێ، گەلێ کورد ئەنفال کر و ب چەکێ کیماوی ژی چەند ناڤچەیێن کودستانێ بۆمبەباران کر.

بارزانی دەربارێ بنپێکرنا دەستوورا عیراقێ ژی زەلال کر، ژ پشتی ٢٠٠٣ان ڤە حکومەتا عیراقێ نێزیکی ٥٥ مادەیێن دەستوورێ بنپێ کرن، کو پرانیا گەلێ عیراقێ دەنگ دابوو وێ دەستوورێ. ھەڤدەم ژی کورد و سونە ژی ھاتن پەراویزکرن.

سەرۆک بارزانی تەکەز کر، کورد ھەولەکە مەزن دا کو وەلاتەکی فەدەرال ل عیراقێ پەیدا ببە و د ٢٠٠٤ان دە رێژەیا کورد د ئارتێشا عیراقێ دە ژ سەدی ٤٠، لێ نھا ئەو رێژە سفرە.

سەرۆکێ ھەرێما کوردستانێ ئاماژە ب وێ ژی دا، چەند جاران راگھاندنە، ھەگەر ئراق د بنپێکرنا دەستوورێ بەردەوام بە، ھەرێما کوردستانێ بەشەک ژ عیراقێ نامینە.

دەربارێ ئەوێن کو دبێژن، دەما برێڤەبرنا ریفراندۆمێ نە گونجاوە، بارزانی راگھاند، بلا ئەو پێشنیازا دەما گونجاو بۆ ریفراندۆمێ بکن و بەدیلێ وێ زەلال بکن.

بارزانی راگھاند ژی، ھەگەر ئەوێن داخوازا پاشخستنا ریفراندۆمێ دکن، چ ئەلتەرنتیڤەکە وانا بھێز تونەیە، بلا داخوازا پاشخستنا ریفراندۆمێ نەکن، ژ بەر کو ئەم بپاش ناخن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین