2017-08-03 08:43:12 | ژمارا خاندنا : 751 | كومێنت : 0 |

بەرپرسێ لقێ ١٨ پشکداری کر د رێورەسمێن بیرئانینا کارەساتا شنگالێ



ب ئامادەبوونا رێزدار (نێچیرڤان بارزانی) سه‌رۆكوه‌زیرێن هه‌رێما كوردستانێ، ب هەلکەفتا (٣) یەمین سالڤەگەرا هێرشا تیرورستێن داعش بو سەر شنگالێ و جینوسایدا کوردێن ئێزدی رێورەسمەک ل دهوکێ هاتە گێران ل روژا پێنج شەمبی رێکەفتی ٣/٨/٢٠١٧.

هێژا عمر ئورەیی بەرپرسێ لقێ ١٨ یێ پارتی دیموکراتی کوردستان ل رێورەسمێن بیرئینانا كاره‌ساتا شنگالێ ئامادەبوو کو چەندین برگە بخوڤە گرتبوون و هژمارەکا زور ژ بەرپرسێن میری و حزبی و لەشکەری و کەسایەتی و تەخ وچینێن جودا و ژ هەمی ئول و پێکهاتان تێدا بەرهەڤبوون.

سه‌رۆكوه‌زیرێن هه‌رێما كوردستانێ د رێوره‌سمێ دا راگه‌هاند؛ ب هه‌مان سه‌نگ و گرانییا پێشتر هه‌ست ب كاره‌ساتا شنگالێ دكه‌ن، ب هه‌موو ئاوایان ژى بزاڤان دكه‌ین ئه‌و تاوانه‌ ل سه‌ر كوردێن ئێزدى بهێته‌ سڤككرن. و كاركرن ل سه‌ر پارێزگه‌هكرنا شنگالێ به‌رده‌وام هه‌روه‌سا سه‌رۆكێ حكومه‌تا هه‌رێمێ به‌حسا رزگاركرنا شنگالێ و رۆلێ سه‌رۆكێ هه‌رێما كوردستانێ كر و دیاركر ئه‌و دێ ل سه‌ر ب پارێزگه‌هكرنا شنگالێ ژى به‌رده‌وام بن.

نێچیرڤان بارزانى به‌حسا هاتنا تیرۆرستێن داعشێ ژى كر و راگه‌هاند؛ سوپایێ ئیراقێ هه‌موو چه‌كێ خوه‌ بجهـ هێلا و داعشێ ب وى چه‌كى شنگال داگیركر.

بارزانى ئاماژه ب وێ یه‌كێ ژی كر کو حكومه‌تا ئیراقێ سۆزین خوه‌ به‌رامبه‌ر هه‌رێمێ بجهـ نه‌ئینان و ته‌نانه‌ت ئه‌وا بۆ حه‌شدا شه‌عبى هاتییه‌ كرن و دكه‌ت ژى بۆ پێشمه‌رگه‌ى نه‌كر.

سه‌رۆكوه‌زیرێن هه‌رێما كوردستانێ دوپاتکر کو عێراق وەک دەوڵەت نەشێت و نەڤێت مە بپارێزێت و دروستبوونن داعش دەرئەنجامێ "سیاسەتا فاشلا" حکومەتەێن عیراقێ بوو. و ل دەمێ هاتنا داعش بۆ شنگالێ پێشمەرگەی چەکێ پێتڤی نەبوو بۆ بەرەڤانیکرنێ ژ وێ دەڤەرێ.

 سەبارەت ریفراندومێ، نێچیرڤان بارزانی گوتی پشتى شه‌ڕێ داعشێ ئێكسه‌ر بڕیارا رێفراندۆمێ ژ ئالیێ سه‌ركردایه‌تییا هه‌رێمێ ڤه‌ هاته‌ دان و گشتپرسی ئارمانج نینە، بەڵکو وەسیلەیە بۆ گەهشتن ب ئارمانجەکا مەزنتر کو سەربەخۆیە"..








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین