2017-07-31 08:33:16 | ژمارا خاندنا : 299 | كومێنت : 0 |

بروسکا لقێ ١٨ بهەلکەفتا سالڤەگەرا تاوانا ئه‌نفالكرنا بارزانیان



        بهه‌لكه‌فتا بیره‌وه‌ریا سالڤه‌گه‌را ئه‌نفالكرنا (8000) هه‌شت هزار بارزانیان، سه‌رێ رێزو رومه‌تێ بو شه‌هیدێن ڤێ كاره‌ساتێ و سه‌رجه‌م شه‌هیدێن بزاڤا ئازادیخوازا گه‌لێ كوردستانێ دچه‌مینین و سلاڤان دهنێرین بو مالباتێن وان ئه‌وێن كه‌فتینه‌ به‌ر كه‌رب و كینا بێ دلوڤانی‌ یا له‌شكه‌رێ رژێما گور به‌ گورا (به‌عسییا).

ل سپێده‌هیا روژا(31/7/1983)ێ له‌شكه‌رێ رژێما (صدام)ێ دکتاتور چار ده‌ورێن كومه‌لگه‌هێن (قوشته‌په‌ ، به‌حركێ ، حه‌ریر و دیانا) دور پێچكرن و(8000) هاولاتیێن سڤیل و بێ گونه‌هـ یێن دسه‌ر ژیێ (12) دوازده‌ سالیێ دا ده‌سته‌سه‌ر كرن و راپێچى بیابانێن عه‌ره‌بى ل ژێریا عیراقێ كرن و هه‌مى ب ساخى بن ئاخ كرن و ژناڤ برن و نوكه‌ژى ده‌م بو ده‌مى هه‌ستیكێن هندەکا ژوان دگورستانێن بكوم دا دهێنه‌ دیتن.

هەولێن ژناڤبرن و چەوساندنا گەلێ مە دبەردەوامن و تاوانێن تیرورستێن داعش بەردەوامیا ڤێ سیاسەتێ یە ژ لایێ دوژمانانڤە ، بێ گومان ئه‌ڤ تاوانه‌ دهێته‌ هژمارتن ئێك ژ مه‌زنترین تاوانێن درندانه‌ ئه‌وێن ده‌رحه‌قی گه‌لێ كوردستانێ هاتینه‌ ئه‌نجامدان دچاخێ بوریدا، هەرچەندە رژێما بەرپرس ژ ڤێ تاوانا هوڤانە ژ ناڤچوویە و بەرپرسێن سەرەکی گەهشتینە سزایێن خو یێن عادیلانە، بەلێ یا ب فەر دزانین قەرەبوویا ماددی و مەعنەوی ژ لایێ حکومتا عیراقێڤە بو کەسوکارێن قوربانیێن ڤێ تاوانێ بهێتەکرن و مافێن وان بەرزەنەبن.

ئەڤ سالە سالڤەگەرا ڤێ تاوانێ یا هەڤدەمە دگەل بریار و بەرهەڤیێن سەرکردایەتیا سیاسی یا کوردی ب سەروکاتیا رێزدار (مسعود بارزانی) سەروکێ هەرێما کوردستانێ ژبو ئەنجامدانا ریفراندۆمێ ژبو سەربخویا کوردستانێ، و گەلێ کوردستانێ ب هەمی پێکهاتێن خوڤە چاڤەرێی روژا  ٢٥ی ئەیلولێ نە داکو بریارا خو  ب بەلێ بدەن و بێی دوو دلی و ئەڤە بەرسڤەکە بو دوژمن و نەحەزان و وەفاداریە بو خوینا تەڤایا شەهیدێن بزاڤا رزگاری خوازا گەلێ کودرستانێ و دەولەتبوون بەرهەمە.

شەرمزاری بو دوژمنان و هەردەم کوردستان سەرکەفتی و سەربخو بیت.

 

                                              لقێ 18

                         پارتی دیموکراتی کوردستان

                                ٣١/٧/٢٠١٧ 








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین