2017-07-26 01:40:36 | ژمارا خاندنا : 1942 | كومێنت : 0 |

ب چاڤدێریا بەرپرسێ لقێ ١٨ پێکهاتنەک هاتە ئیمزاکرن



رێورەسمێن ئیمزاکرنا رێککەفتنێ ژبو چارەسەریا ئاریشەکا جڤاکی ب چاڤدێریا بەرپرسێ لقێ ١٨ برێڤەچوون ل هولا لقێ لروژا چارشەمبی رێکەفتی ٢٦/٧/٢٠١٧.

ب چاڤدێریا هێژا (عمر ئورەیی) بەرپرسێ لقێ ١٨ یێ پارتی دیموکراتی کوردستان و بەرهەڤبوونا هەردوو ئالیان و چەند کەسایەتیا ل بارەگایێ لقێ رێورەسمێن ئیمزاکرنا رێککەفتنێ ژبو چارەسەری و دەماهی ئینان ب ئاریشەکا جڤاکی سەرا ئەردێ گوندێ هەمزیکێ دناڤبەرا دوو بنەمالان برێڤەچوون و ژ پێش بنەمالا مفتی ڤە ژ لایێ (احمد سالم مفتی) و ژ پێش بنەمالا عنتر حەجی ڤە ژلایێ (حکیم عباس ویسی) ڤە رێککەفتن هاتە ئیمزاکرن.

بەرپرسێ لقێ ١٨ د پەیڤەکێ دا دوپاتکر کو پێتڤییە هەمی لا هاریکاربن ژ بو رێگرتن ل پەیدابوونا ئاریشا و ئەگەر پەیدابوو پێدڤییە مەزنتر لێ نەهێن و بهێنە چارەکرن و بو ڤێ یەکێ پێتڤییە نەرماتی و ل دویف ئێک چوون ل هەردوو لایان هەبیت، دیسان بەرپرسێ لقێ دەستخوشی ل هەردوو بنەمالان کر و سوپاسیا وان کر کو ل دویف گازیا وان هاتین  و دوپاتکر کو هەر تشتەکێ دشیاندابیت ژلایێ لقێ ١٨ ڤە دێ هێتە کرن ژبو چارەکرنا ئاریشە و گرفتان و رێگرتن ل بویەرێن نەخوازراو.

ژ لایێ خوڤە هەردوو بنەمالان سوپاسیا بەرێز (عمر ئورەیی) بەرپرسێ لقێ ١٨ و بەرێز(اسماعیل مصطفى) قایمقامێ قەزا ئامێدیێ کر ژ بو هەول و زەحمەتا وان بو دیتنا چارەسەریێ و بەرهەڤکرنا ڤان رێورەسمان.

ماموستا (رێبەر عنتەر) سەبارەت ئاریشێ و رێککەفتنێ ب ڤی رەنگی بو مالپەرێ لقێ پەیڤی: وەک دیار بنەمالا (عنتەر حەجی) وەیسی هەیاما (٤٥) سالایە کارێ چاندنێ د ئەردێ گوندێ هەمزیکێ دا دکەن و راستە ئەو ئەرد یێ (مالا مفتی) یە، بەلێ مخابن ل ڤێ دوماهیێ هندەک ئاریشە پەیدابوون، و سوپاسیا جەنابێ بەرپرسێ لقێ و قایمقامێ ئامێدیێ دکەین کو هەولێن باش دان بو ڤێ پێکهاتنێ، ئەم هەردوو لا پێکهاتین کو (١٥) دونەم لسەر ناڤێ بنەمالا عنتەری بهێنە تاپوکرن بەرامبەر دەستبەردان ژ هندەک ئەردێن دی یێن کار تێدا دکر و شوین کری.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین