2017-07-25 11:03:42 | ژمارا خاندنا : 564 | كومێنت : 0 |

ئامێدیێ، دیبەیتەک دور ریفراندۆمێ هاتە گێران



ب پشکداریا هژمارەکا بەرپرسێن پلەبلند و بسپوران و ب ئامادەبوونا چەندین بەرپرسێن میری و حزبی و کەسایەتی و رەوشەنبیران، پەیمانگەها تەکنیکی یا ئامێدیێ دیبەیتەک دور ریفراندومێ ل هولا پەیمانگەهێ سازکر لروژا سێشەمبی رێکەفتی ٢٥/٧/٢٠١٧.

لژێر دروشمێ (ریفراندۆم خواستا نەتەوەوەیێن سەربەخو خوازە) پەیمانگەها تەکتنیکی یا ئامێدیێ ئەڤرو بەری نیڤرو دیبەیتەک دور ریفرانومێ سازکر و ژ لایێ ئەندام پەرلەمانێ بەرێ (احسان ئامێدیێ) ڤە هاتە برێڤەبرن و هەر ئێک ژ بەرێزان (ھوشیار زێباری) ئەندامێ مەکتەبا سیاسیا پارتی دیموکراتی کوردستان ئه‌ندامێ جڤاتا بلندا رێفراندومێ و محەمەدی حاجی مەحمود سکرتێرێ حزبا سوشیالیستا کوردستانێ و خەلیل ئیبراھیم محەمەد ئەندامێ سەرکرداتیا ئێکگرتویا ئیسلامیا کوردستانێ و دكتۆر (قاسم ئه‌حمه‌د قاسم) مامۆستایێ زانكۆیێ هاتن مێهڤانکرن.

ب ئامادەبوونا هێژایان (عمر ئورەیی) بەرپرسێ لقێ ١٨ ی پارتی دیموکراتی کوردستان و هژمارەکا پەرلەمانتاران و ئەندامێن جڤاتا پارێزگەها دهوکێ و قایمقامێ قەزا ئامێدیێ و کارگێر و رێڤەبەرێن دامودەزگەهێن حزبی و میری ل دەڤەرێ دیبەیت برێڤەچوو.

 پشتی خولەکەک بێدەنگ ژ پیانڤە راوەستان  رێزگرتن بو گیانێ شەهیدان و سەرکاروانێ وان بارزانیێ نەمر و ئدریسێ هەردەم ساخ، پێنج پەنەل ژ لایێ مێهڤانان ڤە هاتن پێشکێشکرن و ل دویڤدا دەرگەهێ پرسیار و دانوستاندنێ هاتەڤەکرن و دیبەیت ژ دەمژمێر (١١:٣٠) تا (٢:٣٠) یا بەردەوام بوو.

ھوشیار زێباری ئەندامێ مەکتەبا سیاسیا پارتی دیموکراتی کوردستان دیارکر کو نھا گەلێ کورد بەر ب تاقیکرنەکا چارەنڤیساز دچیت و گۆت: (بەری نھا گەلێ کورد ھەموو دەرگەهـ و رێک و ئەزموون ل گەل عیراقێ تاقیکرینە بەلێ چوو ب دەستڤە نەھات ، بەرڤێ گەلێ کورد و سەرکرداتیا کوردستانێ بریاردایە کو ئێدی ئەو ب ئەنجامدانا ریفراندۆمێ ب مافێن خوەیێن رەوا کو سەربخویە شاد ببیت و ب چوو رەنگان ژی پاشڤە نازڤریت و ھەتا نھا چوو وەلاتێن جیھانێ ب ئاشکرای دژاتیا خوە بو ریفراندۆمێ نەکریە و گەلێ کورد دێ د وەختێ خودا ریفراندۆمێ ئەنجام دەتن)

ھوشیار زێباری د درێژاھیا ئاخفتنێن خودا دیارکر ژی کو ئەو دێ ل گەل بەغدا وەکو دانوستاندن مینن خوە ئەگەر ریفراندۆم ژی بھێتە ئەنجامدان و گۆت ژی : (گەلێ کورد دڤێت ھەر ژ نھا وێڤە خوە بەرھەڤ بکەت بو قوناغا پشتی ریفراندۆمێ ژبەرکو زور ب زەحمەت گەھشتیە ئەڤێ بریارێ و ب ھیچ شێوەیەکێ پاشڤەزڤرین نینە)

دكتۆر قاسم ئه‌حمه‌د مامۆستایێ زانكۆیێ راگه‌هاند، به‌رپرسێن ئیراقێ ئاماژه ‌ب وێ چه‌ندێ دكه‌ن كو چ تێكستێن قانوونى نینن رێكێ بده‌نه‌ هه‌رێما كوردستانێ ریفراندومێ بكه‌ن، د به‌رسڤا واندا دكتور قاسم گۆت: چ تێكستێن قانوونى نین ل دژى ریفراندۆما هه‌رێما كوردستانێ ژى، ئاماژه‌كر ژى، ده‌ما هه‌رێمێ بریارداى دگه‌ل ئیراقێ بژین وى ده‌مى مله‌تى بریاردا نها مله‌ت دشێت دوباره‌وێ بریارێ بگهۆریت و ژ ئیراقێ جودابیت

خەلیل ئیبراھیم محەمەد ئەندامێ سەرکرداتیا ئێکگرتویا ئیسلامیا کوردستانێ دیارکر کو ئەو وەکو ئێکگرتوو پرسا ریفراندۆمێ ب پرسەکا نەتەوەیی و نیشتمانی و رەوشتی و مرۆڤایەتی دبینن.

محەمەدی حاجی مەحمود سکرتێرێ حزبا سوشیالیستا کوردستانێ دیارکر کو ریفراندۆم مافێ رەوایێ گەلێ کوردە و گۆت: (ھەموو جیھانێ د پێناڤ ب دەستڤەئینانا مافێن خوەیێن ئابووری و بازرگانی و سیاسی لسەر ئاخا کوردستانێ ب ناڤەکێ دن و ب بھانەیا داعشێ شەرکرن ، سەرەرای کو کورد مافداربوون و چەند مافەک ب دەستخوڤەئینان د وی شەری دا بەلێ دەھان قوربانی و پێشمەرگەی ب شەھید دان ، ژبەرڤێ نھا گەلێ کورد نابیت ژ مافێن خوە پەشیمان بیت و قوناغێت زور برینە و بریارا ئەنجامدانا ریفراندۆمێ بو سەربەخویێ دایە و نھا دەم زورێ گونجایە و دڤێت ھەموو گەلێ کوردستان و لایەنێن سیاسی پێکڤە کار بو سەرئێخستنا پروسەیا ریفراندۆمێ بکەن)

سەعدی ئەحمەد پیرە ئەندامێ مەکتەبا سیاسی یا ئێکەتیێ د ھەمان دیدار دا راگەھاند؛ گەلێ کورد د دیرۆکێ دا گەلەک قوربانی داینە، گەلەک زەرەر و زیان ل سەر دەستێ دەستھەلاتدارێن ئێک لدووڤ ئێک یێن ئیراقێ دیتینە و ھەموو دەمان ئارمانجا کوردان گەھشتن ب دەولەتا سەربخوەیە، لەورا دەمێ بڕیارا کرنا رێفڕاندۆمێ ھاتییە دان، ھەموو خەلکی ھەرزوو قەبوول کر.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین