2017-07-20 01:38:36 | ژمارا خاندنا : 169 | كومێنت : 0 |

سیریێ، بەخشینا شەرەفا ئەندامەتیێ ب هژمارەکا پالێوراوان



د رێورەسمەکیدا ب بەرهەڤبوونا نوێنەرێ لقێ١٨ و خەلکێ دەڤەرێ ل هولا لیژنێ هژمارەکا پالێوراوان ل سنورێ لیژنا ناوچا سیریێ شەرەفا ئەندامەتیا پارتی وەرگرت لروژا پێنج شەمبی رێکەفتی ٢٠/٧/٢٠١٧.
ل ژێر دروشمێ (بەرەف ريفراندومێ و دەولەت بونا كوردستانێ)، ب ئامادەبوونا (موسا کێستەیی) کارگێرێ لقێ١٨یێ پارتی دیموکراتی کوردستان و (تحسین عبدالله بیری) بەرپرسڵ لیژنێ و کارگێر و کادرێن لیژنێ و ريڤەبەرێن دامودەزگەهين ميرى و ریسپى و ماقيلين دەڤەرێ و پالێوراوان، درێ و رەسمەکێدا شەرەفا ئەندامەتيێ ب ١٤٩ پالێوراوان هاتە بەخشين.
رێورەسمان ب خولەكەكێ ژ پيانڤە بێدەنگ راوەستان رێزگرتن و وەفادارى بو گيانێ پاكێ شەهيدان و سەركاروانێ وان بارزانیێ نەمر و ئیدريسێ هەردەم ساخ دەستپێكر.
پەیڤا بخێرهاتنێ ژ لایێ بەرپرسێێ لیژنێ ڤە هاتە پێشکێشکرن.
ل دو یڤدا موسا کیستەیی پەیڤا لقێ پێشكێشكر و تێدا زێدەباری پیروزکرن ل پالێوراوان باس ل پروسا ريفراندومێ وسەربەخويا كوردەستانێ و گرنگی و دەرئەنجامێن باشێن ڤێ پروسێ کر، دیسان ئاماژە ب دژایەتیا هندەک لایەنان بو ڤێ پروسێ دا و دوپاتکر کو ريفراندوم مافەكێ رەوا يێ مللەتێ كوردە و دێ ل دەمێ دەستنيشان كرى هيتە ئەنجامدان و سەركەفتیانە و دێ بیتە پێنگاڤەکا گرنک بو سەربەخویێ.
کارگێرێ لقێ دوپاتکر کو پێتڤی یە هەمی خەلکێ مە پشکداریێ بکەن و ئەرکە لسەر هەمیان ڤێ پروسێ بو خەلکێ خو شروڤەبکەن و هاندانێ بکەین ب بەلێ دەنگ بدەن هەرچەندە ئەڤە تشتەکە گرێدای چارەنڤیسێ کوردستانێ یە و گوت: مە باوەری هەیە هەمی خەلکێ مە ب بەلێ دێ دەنگ دەن، و تشتەکێ نەتەوەیی یە و د ڤی بیاڤی دا خەلکێ مە هەمی کوردپەروەر و نشتیمانپەروەرن وخودان قوربانی نە بەلێ مخابن هندەک هەنە دڤێت شروڤەکا نەجوان بدەنە پروسێسیا ریفراندومێ، دیسان ئاماژە دا رولێ راگەهاندنێ د ڤی بیاڤدا دا.
و ل داویا پەیڤا خو داخازا سەرکەفتنێ بو ئەندامێن نوی کر ژبو خزمەتا گەل و وەلات و حزبا خو.
پشتی خارنا سویندا ئەندامبوونێ ژ لایێ ئەندامێن نوی ڤە، كارتين شەرەفا ئەندامەتيێ ژ لايى چەند ژ بەرپرس و ریسپيێن دەڤەرێ ڤە هاتن دابەش كرن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین