2017-07-20 04:42:20 | ژمارا خاندنا : 745 | كومێنت : 0 |

لژێر چاڤدێریا عمر ئورەیی ئاهەنگا شەرەفا ئەندامەتیێ ل سەرسنکێ هاتە گێران



لژێر چاڤدێریا بەرپرسێ لقێ١٨ و لژێر دروشمێ (بەرەف ريفراندومێ و دەولەت بونا كوردستانێ) ئاهەنگەک ژبو بەخشینا شەرەفا ئەندامەتیێ ب (١٩٧) پالێوراوان ل باخچێ لیژنا ناوچا سەرسنکێ هاتە گێران لروژا پێنج شەمبی رێکەفتی ٢٠/٧/٢٠١٧ و چەندین برگە بخوڤەگرتن.

ب ئامادەبوونا هێژا (عمر ئورەیی) بەرپرسێ لقێ هەژدەی پارتی دیموکراتی کوردستان و (د.عبدالله رێکانی) ئەندامێ پەرلەمانێ کوردستانێ (اسماعیل مصطفى) قایمقامێ قەزا ئامێدیێ و (رزگار صدقی) ئەندامێ جڤاتا پارێزگەها دهوکێ و (محمد سلیم فیصل) بەرپرسێ لیژنێ و کارگێر و کادران و ريڤەبەرێن دامودەزگەهێن ميرى و ریسپى و ماقويلين دەڤەرێ و پالێوراوان ب هەلکەفتا بیرەوەریا شوەرەشا گولانێ یا پێشکەفتن خوازولژێر دروشمێ (بەرەف ريفراندومێ و دەولەتبونا كوردستانێ)، ئاهەنگا بەخشینا شەرەفا ئەندامەتیێ ب (١٩٧) پالێوراوان ل دەمژمێر (٦)ی ئێڤاری هاتە گێران و ب خولەکەک رێزگرتن بو گیانێ پاکێ شەهیدان و سەرکاروانێ وان بارزانیێ نەمر و ئیدریسێ هەردەم ساخ دەسپێکر و پەیڤا بخێر هاتنێ ژ لایێ بەرپرسێ لیژنێ ڤە هاتە پێشکێشکرن.

عمر ئورەیی بەرپرسێ لقێ د پەیڤەکێدا پیروزباهی ل وەرگرێن شەرەفا ئەندامەتیێ ل سنورێ هەر (٨) لیژنا کر کو هژمارا وان دبیتە (١٢٠٩) کەس و داخوازا سەرکەفتنێ بو خاست وەک ئەندامێن پارتی ژبو خزمەتا گەل و وەلات و حزبا خو.

بەرپرسێ لقێ گوت: وەرگرتنا شەرەفا ئەندامەتیا پارتی وەرگرتنا شەرەفا ئەندامەتیا بەرخودان و خو گوریکرنێ یە و شەرەفا حەفتێ و دوو سالێن رەبەقە ل خەبات و فیداکاری و قوربانی دانێ و نەمساوەمەت کرنێ لسەر مافێن رەوایێن مللەتێ کورد و شەرەفا رێبازا پیروزا شەهیدایە و شەرەفا رێبازا کوردایەتیێ یە و شەرەفا پروژێ دەولەتبوونا کوردی یە.

زێدەتر بەرپرسێ لقێ گوت: پارتی پروژەیەکێ نەتەوەیی یە بەری پارتەکا سیاسی بیت، ئالا هەلگرێ ئارمانجێن گەل و مللەتەکێ ژێردەست و ستەم لێ کریە.

زێدەتر گوت: سوز و پەیمانا د دەینە سەروکێ خوشتڤی بو وێ ئارمانجا نەتەوەیی و دیموکراسی کو رابەرێ نەتەوا کورد بارزانیێ نەمر ئەم خرڤەکرین و ئدریسێ جوانە مەرگ سەرێ خو لسەر دانای و ئەڤرو سەروک (مسعود بارزانی) رابەرایەتیێ دکەت و ل ژێر فشارا نافخویی و دەرەکی ئەم دەست ل بەرژەوەندێن نەتەوەیی نادەینو خو تەسلیمی ئیرادە و ئەجیندایێن دەرەکی و دوژمنێن مللەتێ کورد ناکەین، دلیاین سەرکەفتن بو پارتی و رێبازا بارزانی یە و چ هێز و کودەتا نەشێن شکەستنێ ب مە بینن ژبەرکو :

١ - دیروکا شەهیدێن مە. رهـ و ریشالێن پارتی د کویرن دناڤا دلێ جەماوەرێ کوردستانێ دانە و رەسەنترین هێزا جەماوەری یە.

٢ - ئەزمونا کوردی بەرهەمێ خەبات و تێکوشینا سەد سالێن رەبەق ل خەبات و بەرخودانا گەلێ کوردە.

سیاسەتا پارتی سیاسەتەکا راست و دروستە و یا قەومی – نیشتیمانی یە.

 

ل دویڤدا ل دویڤدا سویندا ئەندامبوونێ هاتە خاندن و کارتێن شەرەفا ئەندامەتیێ ژ لایێ ئەندامبویانڤە ژ پێشمەرگە و کادرێن دێرین هاتن بەلاڤکرن.

هەر دڤێ ئاهەنگێ دا چەندین پەیڤ و هەلبەست و ستران هاتن پێشکێشکرن و و هەلبەستڤان (شعبان سلێمان) ب هەلبەستێن خو یێن نەتەوەیی و ئەڤینداری رەوەشا دیتر دا ئاهەنگێ و بو جهێ دلخوشیا ئامادەبوویان.

ڤیدیو: پەیڤا هێژا (عمر ئورەیی) بەرپرسێ لقێ١٨ (پ.د.ک) ل ئاهەنگا شەرەفا ئەندامەتیێ ل سەرسنکێ








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین