2017-07-19 11:03:27 | ژمارا خاندنا : 219 | كومێنت : 0 |

سەروکێ هەرێمێ رۆژا هەلبژارتنێن سه‌رۆكاتیێ و پەرلەمانێ كوردستانێ دیار كر


رێزدار (مسعود بارزانی) سه‌رۆكێ هه‌رێما كوردستانێ ب فه‌رمی رۆژا هەلبژارتنێن سه‌رۆكاتیا هه‌رێما كوردستانێ و پەرلەمانێ كوردستانێ دیار كر. 
چاڤكانیه‌كی ژ كۆمیسیۆنا بلند یا سه‌ربخوه‌ یا هلبژارتن و راپرسیێ یا هه‌رێما كوردستانێ راگهاند: “سه‌رۆكێ هه‌رێما كوردستانێ ب نڤیسارەكێ داخواز ژ كۆمیسیۆنێ كریه‌, كو د رۆژا 01-11-2017ێ ده‌ هەلبژارتنێن سه‌رۆكاتیا هه‌رێمێ و پەرلەمانێ كوردستانێ برێڤه‌ بچن.”
و د ڤێ نڤیسارا فه‌رمی یا سەروکێ هەرێمێ ژ بۆ كۆمیسیۆنێ دا هاتیه‌:
ب پشتگرێدانا ب یاسایا سه‌رۆكاتیا هه‌رێما كوردستانێ یا هه‌ژمار 1 یا سالا 2005ێ یا سه‌ره‌راستكری, مه‌ بریار دا:
“دیاركرنا رۆژا 1-11-2017ێ وه‌كه‌ رۆژا ئەنجامدانا هەلبژارتنێن پەرلەمانێ كوردستانێ و سه‌رۆكاتیا هه‌رێما كوردستانێ.
گشت ئالیێن پەیوه‌ندیدار پابه‌ند دبن ب ئەنجامدانا كارێن پێویست, و هه‌ڤكاری و هه‌ماهه‌نگیا ل گه‌ل كۆمیسیۆنا بلند یا سه‌ربخوه‌ یا هلبژارتن و راپرسیێ بۆ جیبجیكرنا وێ فه‌رمانێ.”

پێشتر د جڤینا رۆژا 7ێ هه‌زیرانا 2017ێ یا سه‌رۆكێ هه‌رێما كوردستانێ یا ل گه‌ل پارتی و ئالیێن سیاسی یێن باشوورێ كوردستانێ ده‌, ته‌ڤی بریاردانا ل سه‌ر ره‌فه‌راندومێ و دیاركرنا رۆژا ره‌فه‌راندومێ د 25ێ ئیلۆنا ئیسال ده‌, بریار ل سه‌ر وێ یه‌كێ ژی هاتبوو دان, كو هه‌ر دو هلبژارتنێن سه‌رۆكاتیا هه‌رێمێ و پەرلەمانێ كوردستانێ د ده‌ما خوه‌ ده‌ وه‌رن ئەنجامدان و داخواز ژ كۆمیسیۆنا بلند ئا سه‌ربخوه‌ یا هلبژارتن و راپرسیێ یا هه‌رێما كودستانێ هاتبوو كرن, كو رۆژه‌كێ بۆ برێڤه‌برنا وان هلبژارتنان بكه‌ و ئاماده‌كاریێن پێویستی ژی بكه‌.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین