2017-07-19 11:01:54 | ژمارا خاندنا : 188 | كومێنت : 0 |

بارزانی: ئە‌م نا خوازین ئەزموونێن‌ تال دوباره‌ بكەین


سه‌رۆكێ هه‌رێما كوردستانێ رێزدار (مسعود بارزانی) د په‌یامه‌كێ دا‌ به‌رسڤا داخویانی و گه‌فێن چه‌ند به‌رپرس و كه‌ساتیێن عیراقێ دا و ئەڤا ل خارێ ناڤەروکا پایامێ یە:
“ب ناڤێ خوه‌دایێ مه‌زن و دلۆڤان
د چه‌ند رۆژێن ده‌رباسبوویی ده‌ هه‌ژماره‌ك ژ سیاسی و كاربده‌ستێن عیراقی ژ بۆ دژاتیكرنا ریفراندومێ و مافێن گه‌لێ كوردستانێ به‌حسا ده‌ستوور و پابه‌ندبوونا ب ده‌ستورا عیراقێ دكەن. گه‌له‌ك باشتر دبوو وان بەرێزان ب هوری ده‌ستوورا عیراقێ ببینن, ژ به‌ر كو د ناڤه‌رۆكا ده‌ستورێ دا ب رۆنی هاتیه‌, كو پابه‌ندبوونا ب ده‌ستوورێ بنگه‌ها ماینا عیراقێ ب یه‌كپارچه‌یی یه‌.
ل ڤێرە پرسیار ئەوە, گه‌لۆ ئەو پابه‌ندی ده‌ستوورێ بوون؟ ب ده‌هان میناك هه‌یه‌ كو نیشان دده‌ حكوومه‌تێن عیراقێ پابه‌ندی وێ ده‌ستوورێ نه‌بوون كو خه‌لكێ عیراقێ ده‌نگێ خوه‌ پێ دابوو. ب به‌رو‌ڤاژیا ده‌ستوورێ ل ئارتێشا عیراقێ دا پارسه‌نگی هاتیه‌ تێكدان و كورد هاتیه‌ ئیهمال كرن ئەڤه‌ ل ره‌وشه‌ك دا بوو كو پێشمه‌رگه‌ بنگه‌ها سه‌ره‌كیا ئارتێشا عیراقێ یا ل پشتی 2003 پێكانی.
د وارێ دیپلۆماسی و كاروبارێن ده‌رڤه‌ ده‌ ب هه‌مان ئاوایی كار ژ بۆ گۆشه‌گیركرن و ده‌رخستنا نوونه‌رایه‌تیێن خه‌لكێ كوردستانێ تێ كرن. چه‌ندین ساله‌ پێشمه‌رگه‌ هاتیه‌ ئابلووقه‌ كرن كو به‌شه‌ك بوویه‌ ژ مه‌نزووما به‌رگریا عیراقێ. ئە‌ڤه‌ ژ بلی ل پشتگوهخستنا مادده‌یا 140 و پێكئانینا ئە‌نجوومه‌نا ئیتتیهادی, ئەو ئەنجوومه‌نا بنگه‌ها ته‌وافوق و ته‌وازونا ناڤ پێكهاتێن عیراقێ‌. ب به‌ره‌ڤاژیا ده‌ستوور هه‌ول دانه‌ بنگه‌ها سیسته‌ما فی‌درالی بنپێبكن یان ب جهنه‌كن. كار گەهشته‌ وێ یه‌كێ نانێ خه‌لكێ كوردستانێ ب نووكه‌ ئیمزایه‌ك ببرن و مه‌ نه‌دیت هیچ ئالیه‌كی سیاسی یان ناڤه‌نده‌كێ ئولی ڤێ بریارا نه‌ده‌ستوری و نه‌مرۆڤانه‌ شه‌رمه‌زار بكه‌ كو ده‌بارا خه‌لكێ كوردستانێ و شیرێ زارۆكێن كوردستانێ برینه‌. ل گۆر كیژ یاسا و كیژ مادده‌یا ده‌ستوورێ حكوومه‌تا عیراقێ ئەو مافا وی هه‌یه‌ ئیجرائاتا نه‌یاسایی ده‌ربارێ گه‌لێ كوردستانێ بكه‌؟
ژ ئالیه‌كه‌ دن ڤه‌ ب ناڤێ شه‌راكه‌تا د ناڤبه‌را پێكهاتان دا عیراق پێویستی ب بنگه‌ها ته‌وافوقێ بوو لێ به‌لێ وێ ته‌وافوقێ ژی تێكدان و نها بانگه‌شه‌ ژ بۆ زۆرینه‌یا سیاسی دكەن, گه‌له‌ك باش ژی دزانن مه‌به‌ستا وان ل زۆرینه‌یا سیاسی چیه‌ كو ل راستیێ دا نه‌هێشتنا شه‌راكه‌ت و ئیهمالكرنا پێكهاتێن سه‌ره‌كیێن دییه‌.
ب هه‌موو ئالیه‌ك ژی رادگەهینین كو ریفراندوم مافه‌كێ سرووشتی یا گه‌لێ كوردستانێ و هه‌موو گه‌لێن جیهانێ یە و ئەو مافا سرووشتی دڤێ بێ موماره‌سه‌ كرن و ژ بۆ چ ته‌نێ ئەو ماف ل گه‌لێ كوردستانێ بێ حه‌رام كرن؟
مه‌ پابه‌ندبوون ل به‌رانبه‌ر خوینا شه‌هیدێن خوه‌ و رایا گشتی و داخوازیێن گه‌لێ خوه‌ هه‌یه‌. ژ بۆ وێ یه‌كێ ئەم خوه‌ ژ وێ مافێ خوه‌ پاشگه‌ز ناكین و گه‌لێ كوردستانێ وێ مافێ سرووشتیا خوه‌ ب ئاوایه‌كه‌ ئاشتیانه‌ و دووری ل توندوتیژیێ پیاده‌ دكه‌. ژ به‌ر كو ئەم نا‌خوازن ئەزموونا ته‌عل و شكه‌ست خواریا به‌رێ دووباره‌ بكەین. ب باشی دزانین هه‌ردوو ئالی جیرانێ هه‌ڤدوو و ب كووراهی ستراته‌ژیا هه‌ڤدوو بین و وه‌كی برا و دۆست هه‌ڤكار و هه‌ماهه‌نگ بین ل وارێن جوور ب جوور دا.
ئه‌و سه‌رده‌م ژی ده‌رباس بوو, كو ب زمانێ گه‌ف و چاڤسۆركرنێ ل دژی مافێ ره‌وا یێ گه‌لێ كوردستانێ راوه‌ستن و ئەم حه‌ز ژی ناكین كه‌س وی زمانی ب كار بینه‌. گه‌لێ كوردستانێ ئاشتی و برایه‌تیێ دخوازه‌ لێ به‌لێ زمانێ گه‌فێ و ئینكاركرنێ ژ كه‌سێ قه‌بوول ناكه‌.”








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین