2017-07-19 09:01:10 | ژمارا خاندنا : 1377 | كومێنت : 0 |

سەرسنکێ، بەرپرسێ لقێ ل مالێن خەلکی گوهداریا گلە و راو پێشنیاران دکەت



هێژا (عمر ئورەیی) بەرپرسێ لقێ١٨یێ (پ.د.ک) ب یاوەریا شاندەکی د بەردەومیا سەرەدانێن خودا بو خەلکێ دەڤەرێ بو روژا دووێ ل دویڤ ئێک ل سنورێ لیژنا ناوچا سەرسنکێ ب ئارمانجا ژ نێزیک هایداربوون سەر رەوشا خەلکێ دەڤەرێ و پتر بهێزکرنا پەیوەندییان، سەرەدانا هژمارەکا کەسایەتی و نەخوشان کر ل سەنتەرێ ناحیا سەرسنکێ لروژا چارشەمبی شەمبی رێکەفتی ١٩/٧/٢٠١٧.

د سەرەدانێن خودا بەرپرسێ لقێ زێدەباری باسکرن ل چەند بیرهاتنان دگەل پێشمەرگێن دێرین گوهداریا راو بوچوون و گلە و پێشنیارێن وەلاتیان کر و چەند بابەت دگەل هاولاتیان گەنگەشەکرن و خوشحالیا خو دەربری ب گوهلێبوونا وان گلە و پێشنیارا و گەنگەشا و دوپاتکر کو ئەو نیشانا دلسوزیا خەلکێ دەڤەرێ یە بو پارتا خو و رێبازا بارزانیێ نەمر و سوزدا هەمی تێبینی وپێشنیارێن وان بەرچاڤ بهێنە وەرگرتن وهەر چ د شیاندا بیت بهێتە کرن.

بەرپرسێ لقێ دوپاتکر کو ئارمانج ژ سەرەدانا پتر تێکهەلبوونە دگەل خەلکی ل دویف رێبازا بارزانیێ نەمر.

ژ هەژی گوتنێ یە دڤان سەرەدانا دا ریفراندوم و سەربەخویی ئێک ژ بابەتێن سەرەکی بوو یێن خەلکێ دەڤەرێ بەردەوام داکوکیێ لسەر دکەن و پشتەڤانیا خو بو سەروک بازانی و پارتی و هەمی لایەنێن دگەلدا دەربری.

و سەرەدانێن ئەڤرو ئەڤێن ل خارێ بخوڤە گرتن:

١ – مصطفى حسن مبارک ئەرەدنی.

٢ – همزە موسى عبدالله ئەرەدنی.

٣ – احمد صبری محمد ئەرەدنی.

٤ – طاهر احمد یونس گەرەگویی.

٥ – فریق علی عبدالله مێرگەتی.

٦ – حمید احمد هروری.

٧ – صدیق احمد محمد ئامێدی.

٨ – هونەرمەند (عەودیشو) و هەڤژینا وی باسمە صلێوە عەودیشو کو بەری نوکە توشی روودانەکێ بوویە.

٩ – عمانوئیل بطرس بهنام.

 

بەرپرسێ لقێ د لێدوانەکێدا بو مالپەرێ لقێ ١٨ و دەزگەهێن راگەهاندنێ گوت: ئەرکێ مەیە ل دویف خەلکێ خو بچین و سەرەدانا وان بکەین، و چەند دەرفەت هەبیت دێ سەرەدانا هندەکا کەین و بێ هیچ جوداهی، بەلێ وەک دیار مە پێگری ل بارەگایێ لقێ هەنە و روژانە هژمارەکا زور یا خەلکێ مە سەرەدانا مە دکەت و نەشێین هەروو پشدەینە لقێ زێدەباری هندەک پێگریێن دیتر، لەوما داخازا لێبورینێ دکەین ئەگەر نەشیابین وەک پێویست ب سەرەدانا هەمیا رابین یان گیروببین، ل مەها رەمەزانێ مە سەرەدانا خێزانێ، سەربلندێن شەهیدێن شەرێ داعش دا و مە ل بەرە سەرەدانا هەمی تەخ و چینێ، دی بدەین و ئەڤە ئەرکێ مەیە و ب سەرفەرازی دزانین خو دناڤ خەلکێ خودا ل مالێن وان ب بینین و سوپاسیا وان دکەین بو وێ پێشوازی و مێهڤانداریا مەزن.

دهێتە زانین ئەڤرو هێژا عمر ئورەیی بەرپرسێ لقێ هەژدە یێ پارتی دیموکراتی کوردستان دگەلدا موسا کێستەیی و سلێمان گەڤەرکی کارگێرێن لقێ و محمد سلیم فیصل بەرپرسێ لیژنا ناوچا سەرسنکێ و کارگێریا لیژنێ سەرەدانا نەهـ خێزانان کر و ژ نێزیک هایداری رەوشا وان بوو و بەرهەڤیا خو دەربری بو هەر کارەکێ پێتڤی وژێ خاست سلاڤ ورێزێن وی بگەهینن هەمی کەسوکار و گوندیێن خو.

ژ لایێ خوڤە تەڤایا ڤان مالباتا خوشحالیا خو ب ڤان سەرەدانا دەربری و سوپاسیا بەرپرسێ لقێ کر و داخازا بەردەوامی و سەرکەفتنێ بو کر و دیسان هیڤی خاستن پروسا ریفراندوم و سەربخویا کوردستان سەربگریت و ل سەر دەستێ سەروک بارزنی دەولەتا کوردستانێ ب بینن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین