2017-06-21 06:23:34 | ژمارا خاندنا : 220 | كومێنت : 0 |

لێدوانا (عمر ئورەیی) بەرپرسێ لقێ١٨ سەبارەت هاریکاریا دەزگەهێ بارزانی یێ خێرخوازی بو مالباتێن شەهیدان



پشتی ب داوی هاتنا رێورەسمێن دابەشکرنا هاریکاریا دراڤی ژ لایێ دەزگەهێ بارزانی یێ خێرخوازی لسەر مالباتێن شەهیدێن شەرێ دژی تیرورستێن داعش، هێژا (عمر ئورەیی) د لێدوانەکێدا بو مالپەرێ لقێ ب ڤێ رەنگی پەیڤی:

پێ خوشحال و سەربلندین کو ئەڤرو ئەم لڤێرە ئامادەبووین، د خزمەتا خێزانێن شەهیدێن دەڤەرا ئامێدیێ دا ئەوێن د مەزنترین شەرێن شەرەف و کەرامەتێ دا هاتینە شەهید کرن لسەر دەستێن مەزنترین هێزێن تاریێ ل جیهانێ.

بناڤێ لقا ١٨ یا پارتی دیموکراتی کوردستان زور بگەرمی و پر ژ دل سوپاسیا کاک (سیروان بارزانی) ئەندامێ ئەنجومەنێ سەرکردایەتیا پارتی دکەین کو بو جارا گەلەکێ یە هاریکاریا خێزانێن شەهیدان دکەت.

سوپاسی و دەستخوشیێ ل دەزگایێ خێرخوازیێ بارزانی دکەین کو بەردەوام پشت و پەنا و هاریکارە بو خێزانێن شەهیدان و هەژاران و لێ قەوماوان.

شەهید ئەو گەشەناڤێ پیروز و پرشەنکدارە یێ هەمی مروڤایەتی شانازیێ پێ دبەت، دخوازن ببن خوەدیێ وێ ناسناما پیروز، ل هەمی جهـ و دەم و جڤاتا دا رێز لێ گرتی نە و ب پیروزی ل قەلەم داینە. بتایبەتی لدەف وان گەل و مللەتێن تازە رێیا خەباتێ گرتین دژی ستەم و چەوساندنێ، چ مللەت ناگەهنە ئارمانج و مافێن خوە ئەگەر کاروانەکێ گیان لسەر دەستا نەکربن قوربان.

       شەهیدبوون بەرزترین قوناغا خوبەخشکرنێ و فیداکاریێ یە. ژبەرکو شەهید ژیانێ دکەت قوربانی ئارمانجێ، جەرگێ خوشتڤیێن خو دسوژیت بو هندێ داکو روژائا خەلکێ دى خوش و ئارام بکەت.

فەیلەسوفێ گریکی هێروديت دبێژیت: د ئاشتیێ دا لاو و گەنج دایک و بابا بدەستێن خو ڤەدشێرن، ل دەمێ شەر و جەنگا دا دەی و باب گەنج و زارویێت خو بدەستێن خو ڤەدشێرن.

مللەتێ کورد ژی ئێک ژ وان مللەتا بوویە یێ بدرێژیا دیروکێ قەدەرا وی وەسا بوویە کو بەردوام د شەر و جەنگ و خەباتێ و بەرخودانێ دا بوویە و شیایە وەک مللەتەکێ زیندی خو راگریت، سەرەرای وێ زولم و ستەم و قرکرنا بسەری هاتی، لەوما دێ بینین هەردەم دەی بابا لاو و عەزیزێن خو بدەستێ خو ڤەشارتینە.

ئەڤرو سەرفەرازین ب دیروکا خو کو شیاینە زمان و کەلتورێ خو راگرین و وەکی مللەتەکێ ساخ و زیندی بمینین.

بئانەهیا خودێ و خوراگریا مللەتێ کورد و ل سایا خوینا گەشا شەهیدان و خەبات و ماندی بوونا پێشمەرگەیێن قارەمان و حکمەتا جەنابێ سەروک بارزانی دێ گەهینە ئارمانجێن خو ... دێ ب دەولەتا کوردی شادبین.

بژی کورد .............  بژی کوردستان

بژی سەروک بارزانی ئومێدا دەولەتبونێ

نەمری بو شەهیدان

و هەر سەرکەفتی بن.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین