2017-06-21 05:49:19 | ژمارا خاندنا : 194 | كومێنت : 0 |

دەزگەهێ بارزانی یێ خێرخوازی هاریکاریا (٤٠) مالباتێن شەهیدان دکەت



ب بەرهەڤبوونا بەرپرسێ لقێ١٨(پ.د.ک) دەزگەهێ بارزانی یێ خێرخوازی هاریکاری لسەر (٤٠) مالباتێن سەربلندێن شەرێ دژی تیرورستێن داعش بەلاڤکرن ل هولا پەیمانگەها ئامێدیێ لروژا چارشەمبی رێکەفتی ٢١/٦/٢٠١٧.

درێورەسمەکیدا ل هولا پەیمانگەها ئامێدیێ و د چارچوڤێ بەرنامێ دەزگەهێ بارزانی یێ خێرخوازی ژبو هاریکاریا خێزانێن سەربلندێن شەهیدێن کوردستانێ د شەرێ دگەل هێزا تاریێ داعشێن تیرورست، و پشتی خولەکەک ژپیان ڤە بێدەنگ راوەستیان رێزگرتن بو گیانێ پاکێ شەهیدان و سەرکاروانێ وان بارزانێ نەمر وئدریسێ هەردەم ساخ ژلایێ بەرپرسێن میری و حزبی و لەشکەری ڤە هاریکاریا دەزگەهێ بارزانی لسەر (٤٠) خێزانێن شەهیدان یێن دەڤەرا ئامێدیێ هاتن بەلاڤکرن و بو هەر خێزانەکێ کوژمێ (١٠٠٠٠٠٠) ئێک ملیون دینار.

دڤان رێورەسمان دا پەیڤەک ژ لایێ قایمقامێ ئامێدیێ ڤە هاتە خواندن و پەیڤا دەزگەهێ بارزانی یێ خێرخوازی ژ لایێ رێڤینگ هروری بەرپرسێ تایێ دهوک یێ دەزگەهی ڤە هاتە خواندن و پەیڤا مالباتێن سەربلندێن شەهیدان ژ لایێ (د.هکار زکی) راگرێ پەیمانگەها تەکنیکی یا ئامێدیێ ڤە هاتە خواندن.

 ودڤان پەیڤان دا باس ل قارەمانی و دلسوزی و پلەیا شەهیدان هاتە کرن و دوپاتی هاتە کرن کو خێزانێن وان ژ هەژی هەمی رێزگرتن و خزمەت و هاریکاریەکێ نە و یا  پێتڤی و د شیاندا دێ بو هێتەکرن.

ژ هەژی گوتنێ یە هەر ئێک ژ (عمر ئورەیی) بەرپرسێ لقێ١٨ یێ پارتی دیموکراتی کوردستان، (اسماعیل مصطفى) قایمقامێ قەزا ئامێدیێ، و نوینەرێ فەرماندا سپیلکی، رێڤینگ هروری بەرپرسێ تایێ دهوک یێ دەزگەهێ بارزانی یێ خێرخوازی، هژمارەکا بەرپرسێن میری و حزبی و لەشکەری و مالباتێن سەربلندێن شەهیدان بەرهەڤبوون.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین