2017-06-20 01:57:02 | ژمارا خاندنا : 122 | كومێنت : 0 |

عمر ئورەیی پشتەڤانیێ ل پروژێ خزمەتا مالباتێن شەهیدێن شەرێ داعش دکەت



ل نڤێسینگەها بەرپرسێ لقێ١٨ پروژەکێ تایبەت بو خزمەتا مالباتێن شەهیدێن شەرێ داعش ژ ئالیێ ساخلەمیێ ڤە هاتە باسکرن لروژا دووشەمبی رێکەفتی١٩/٦/٢٠١٧.
 هێژا (عمر ئورەیی) بەرپرسێ لقێ هەژدە یێ پارتی دیموکراتی کوردستان ل نڤێسنگەها خو یا تایبەت پێشوازی کر ل (رجب گیزی) رێڤەبەرێ رێڤەبەریا گشتی یا شەهید و ئەنفالکریان ل پارێزگەها دهوک و (د. نجیب سعید) رێڤەبەرێ ساخلەمیا قەزا ئامێدیێ و دروینشتنەکێدا پروژەکێ گرنگ هاتە باسکرن.
رێڤەبەرێ رێڤەبەریا گشتی یا شەهید و ئەنفالکریان خویا کر کو وان پروژەکێ تایبەتێ ساخلەمیێ بو مالباتێن شەهیدێن شەرێ دژی تیرورستێن داعش هەیە و ب هەڤکاری دگەل وەزارەتا ساخلەمیێ دێ هێتە بجهئینان و چەندین خزمەتێن باش دێ پێشکێشی کەسوکارێن سەربلندێن شەهیدان کەن.
 ژ لایێ خوڤە بەرپرسێ لقێ دەستخوشی ل رێڤەبەریا شەهیدان و رێڤەبەریا ساخلەمیێ کر و داخازا سەرکەفتنێ بو کر و دوپاتکر کو چ بو شەهیدان بهێتە کرن هەر کێمە و پشتەڤانیا خو بو دەربری و بەرهەڤیا خو و لقا ١٨ دیارکر بو هەر هاریکاریەکا پێتڤی ژبو سەرخستنا ڤی پروژەی و خزمەتکرنا کەسوکارێن شەهیدان.
 ژ هەژی گوتنێ یە کو بەری نوکە ژی پروژەک بو خزمەتا مالباتێن شەهیدان بگشتی هاتبوو بجهئینان.








كومێنت (0)

  هه‌می مالك دپێتڤینه
ناڤ  
ئیمێل  
ده‌ق  
ده‌قێ نڤێسینێ دڤێت ژ ١٠٠٠ پیتا پتر نه‌بن - پیت یێن ماین